ADVERTISEMENT

This area is available for advertisement. Please contact for details.

Arnivang
Get Adobe Flash player

Langkaijan along aronre longle kacherai atum aphan katharle

imageA Correspondent
Diphu, Thekar, There 2:
Arjidingklui pen Langkaijan along longle alamki kedo mate aronre kacherai atum aphan katharleji pu kachingkrin ateng paplengsi pini There 2 arni Land & Revenue asaikam atum patirpisi Langkaijan ahavar malom aronre longle kacherai atum aphan katharle dam.
KAAC CEM Tuliram Ronghang kapinkhat ateng Land & Revenue asaikam atum keja along EM Amarsing Tisso, MAC Dorsing Ronghang lapen Forest asaikam asaikhi, Law and order atum pen pen Ramnagar forest sub-beat Phonglokpet along chingrumsi Langkaijan along pale dam lo. Laso along Police, CRPF, Diphu Town Outpost, Bakalia Thana, APBN atum pangrumpet bang 484 lapen pu forest asaikhi atum pen bang 97, Land and Revenue achokomar atum bang 58 lapen labours pen bang 100 sose anparta JCB hum 8 pen cheponsi Langkaijan along pale damlo.
Arnitli porphai 2 apor Phuloni ARO Tarun Ingti, SP Gaurav Upadhya, ACF Horinath Ronghang lapen DSP atum pen chingvaisi bidi
sore chipi lo, laso aphi Karbi Anglong a map kelang atengsi katharle asai pangchenglo. Katharle bom ahut ahoi alongle kachichinine det ajoine malomso apor aronre longle kacherai kabor-i atum pen chethurpak asonsi dolo, aphi SP, DSP, Forest asaikhi atum pen tame Nagaon ahoi pu tinsi aphi nangcherui ruk lo, seta ejahak atum ke alongle katharle ke chun pameme lang pusi hadak inut banghini atum chethan. Pu ARO Tarun Ingti kethan ateng ke 10,000-15,000 bighas alongle adak Langkaijan ahavar aronre pen don 1,672 atum hem chikimsi longle cherai bor-i lo, seta ahokpet longle adak mate ahoi kodak an lone klardak pen chini pameme lapen laso aphuthak forest atumsi chini pameji puta ningje. Pini katharle asai kedeng apor kejum hek ajoine hum 20 anbaksi hem phalangno tekang un chotlo, seta katharle asai deng bompo puta than. Pini katharle asai along thangnat soluk sodak ave.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives