ADVERTISEMENT

This area is available for advertisement. Please contact for details.

Arnivang
Get Adobe Flash player

HSLC asatlang phant 75 athak kelong bang 204 atum aphan Laptop kapajir

imageCorrespondent
Diphu, Thekar, There 2:
Assam angkang kaprek kaprek District along asonsi Karbi Anglong District Administration atum patirpisi pini There 2 arni Matipung along kedo Arboretum cum Craft Centre Auditorium Hall along Anundoram Barooah Award Scheme, 2018 anong-eh Laptop pajir. Anundoram Barooah Award Scheme, 2018 anong-eh Assam angkang SEBA ke-en Class-X mate HSLC asatlang along phant 75 pen kachepa-un dun atum aphansi Laptop pajirlo.
ADC Junmoni Sonowal kachepahemphu amai along alohi sarpo aman pen Karbi Anglong Autonomous Council a CEM Tuliram Ronghang chetong dun. Sonsi alohi aman pen KAAC EM Horensing Bey lapen Inspector of School Rowelson Rongpi atum chetong dun.
“Non malom akai ke toklang thekchot le kechokji kali, kachini (knowledge) ta kenangsot thepik. Non neli kacharibom KAAC along ajahak Engineer atum tovar kaselam along pusetame konatsi footpath kaselam nangjima, metal ko-an si kipi nangjima ta kachinine atum do, laso ajoine neli methang thur dun plut pensi pinkhat dun nang rong titi, lake kachini kave ajoinelo” pusi mai along KAAC CEM Tuliram Ronghang jai.
“Non ke Social Media akai, laso along pen henlo pirthe adang ason an kachiniji ajakong do. Ajat asai le klemji ta Computer pensi aprang pen klem mek et un. Lasi loh charli osomar bangso a Laptop kelong pen ason son kacharli-ih lapen kethek-ihji aphansi klem nangji” puta CEM Ronghang jai.
East Karbi Anglong angkang pining aningkan Anundoram Barooah Award Scheme- 2018 anong-eh a Laptop bang 204 aosomat atum aphan pajir lo.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives