ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong arlo kapaphihup a osomar apharman National Science Day katalon

Staff Reporter,
Guwahati, Thekar, There 1:
Karbi Anglong arlo kedo khei barim Karbi a osomar atum aphan panongsi pirthe adang anong kachethang klong Kaziranga National Park along atumi Thangthang 28 arni National Science Day 2019 talon. National Science katalon ke Dr. C.V Raman, alangli Raman Effect kapalon arni kachematha dam angtheksi katalon lo.
The Aaranyak adilung atum pen Karbi Anglong Kohora ahavar Hemai Lekthe arong along kedo a school alongsi Thangthang 28 arni National Science Day talon lo.
Laso along tebok-terai arong pen kado kave bang 15 charli osomar atum ning arong meme kacharli asai along cheto dun. Laso arjan kihi lapen lang temon pen kacherap ahormu along rong kivit, paper craft kaselam lapen arvo kihi kihi asai ghonta hini anbak paklem lo. Laso ahut lahai aphuthak kenangsot alam heihui ta charlitum aphan than pachini lo.
Lahai kado kave asai along school thanbang atumta cheto dun. Johnson Ingleng lapen ahem asor atum pen rong a school pangni lo. Laso arong along amat kedo ahem asor atum pensi kapaphihup a osomar atum aphan loh kethan asai klem bom lo. Assam arlo anong kachethang klong Science Communicator Dr. Jayanta Sharma along Aaranyaka klembang Dr. Kalloli Dutta, Sarlongjon Teron, Rowel Ingti lapen Rituparna Bhattacharya atumta laso asai along chetong dun.
Kaziranga-Karbi Anglong Landscap angkang keraikom thekji aphan akemang pensi Aaranyak atum havar kedo kaprek-kaprek arong along sai klembom lo Aaranyak pachethang chunbang Udayan Borthakur birta pachetak.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives