ADVERTISEMENT

This area is available for advertisement. Please contact for details.

Arnivang
Get Adobe Flash player

Kache Teronpi Karbi Anglong anparta Assam aphan nongme kevan

Badminton along Ser Alek kelong dun

Special Source
Diphu, Thekar, There 1:
Kemang-e lapen kinirsip kakirsan chepeduk lote jongjung akemang papleng un lapen khei-longri apharmanta nongme keme vanpi-un pu angthek Kache Teronpi paklang lo. Uttarakhand arongsopi Dehradun along Thangthang 24 arni pen kecheng 2 angdeng National Master’s Games kapathu along Kache Teronpi ta 35+ age group badminton kapathu singles along haithorsi Ser Alek (Gold Medal) long dun pen Karbi Anglong lapen Karbi akhei kapathu ahin along-e  kithir som lo. Anparta Jun Ronghang pen pathurapsi Kache Teronpi mix double alongta Rup Alek long dun thulo.
Karbi Anglong lapen Karbi akhei angbong (Pinso-Arlo) national level kapathu aklam along Kache Teronpi hen lo badminton along national champion kemancheng abangphi lo. Anparta Karbi angbong arleng kethe ahem asor atum angbong penta alangli Kache Teronpi henlo state level anchot kali national level kapathu aklam along Badminton National Champion keman dun cheng abangphi lo.
Pinpurme alangli Kache Teronpi ke Karbi Anglong Autonomous Council Chief Executive Member Tuliram Ronghang achor lo.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives