ADVERTISEMENT

This area is available for advertisement. Please contact for details.

Arnivang
Get Adobe Flash player

Journalist Medical Welfare Scheme avarsai kelong dun bang 18 pherangke atum aphan cheque keron

Staff Reporter,
GUWAHATI, Thangthang 28:
Assam angkang a pherangke atum ok-pran kachelangji aphan asaimo Journalist Medical Welfare Scheme pen Kamrup lapen Kamrup (Metro) angkang keklem apherangke bang 18 atum aphan cheque keron. Chief Minister media abidisar Hrishikesh Goswami arideng pensi laso cheque ron lo. Pherangke atum ke hamphang amoi arbung lo pu alam Media Advisor kaningje ke pherangke atum kachepaduk pen pran chipi dut pen keklem ajoksi ilitum democracy anujok pli along ingtang kring lo. Alangli kapinpur thu alam kejai ke, pherangke atum aphan state ratpangri pensi labangso welfare scheme avarsai pi lo.
Chief Minister Sarbananda Sonowal kejalin pen finance minister Dr. Himanta Biswa Sarma cherap dunsi state ratpangri pen penang an welfare scheme pherangke, tokbang lapen artists atum phan deng pilo. Pherangke atum helo ardi kedo a bidi-sore kapachoi paprang atum lo pusi ningje.
State government atum ke-ongdung asaideng amokha pherangke atum aphan pathik pilo. Welfare atum pen pherangke atum phan kaiketa kelang kenangsot pusi lakha nangji pusi Information and Public Relations Saikam a OSD Rajib Prakash Baruah ningje. Alangli puthot kaningje thuke labangso scheme kapathiksi kedamtang 2012 aningkan pen pining 2019 an bang 225 apherangke atum aphan tangka lakh 95 ron lo lapen labangso asaideng ke Guwahati chot kali kaprek-kaprek adim kedo apherangke atum an aphan talo puta ningje.
Director of Information and Public Relations Anupam Choudhury, Senior Journalist Samudra Gupta Kashyap lapen kaprek-kaprek asaikam a saiphu atum ta pini cheque keron amai along chetong dun.
Pining aningkan apharman labangso asaideng pen kado kave bang 46 apherangke atum phan tangka sika 13,60,000 pathik thu lo puta jong.
Pini amai along bang 18 pherangke aphan cheque keron kelong dun lake Kanthi Saikia, Dulal Sarma, Achyut Chandra Lahkar, Deepjyoti Goswami, Bhupen Goswami, Swapna Bezbaruah, Ganesh Gogoi. Sunil Borah, Kishore Deka, Kaushik Das, Nitul Baruah, Manoj Deka, Violet Lahkar, Pinak Dutta, Rajmoon Saikia, Chandra Kumar Saikia, Binay Sarma lapen Dasarath Deka.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives