ADVERTISEMENT

This area is available for advertisement. Please contact for details.

Arnivang
Get Adobe Flash player

Dibrugarh University pen Karbi Language Certificate asatlang pini pen kecheng

imageStaff Reporter,
Diphu, Thekar, There 1:
Kedamtang chiklo jon trok aprang kangpu Dibrugarh University kaparlo Diphu Rongkimi along kedo Dibrugarh University aro ingpusi Six Month Karbi Language Certificate Programme kacharli adim thik lo.
Laso ateng chiklo jon trok an Karbi alam than det aphi pini There 1 arni pen Six Month Karbi Language Certificate Programme asatlang ketok pangcheng lo. Chiklo jon trok Karbi alam kacharliji aphan kado kave bang 100 atum amen chethap dun lo. Laso angbong pen bang 95 atum satlang ketokji aphan amen chethap dun lo. Bang 95 amen kachethap atum angbong pini bang 93 atum satlang tok dun lo, seta bang hini atum kopi akisung pen lone satlang tok dunde det lo.
Six Month Karbi Language Certificate Course along kado kave paper kethom ando.
Laso ateng pini pen chenglok ni thom an satlang tokji lapen lahai a paper ladak loh kethan athanbang atum pensi satlang ketoktang aloh heihui kangchap asai klempo. Laso aphi kelong aphai (Marks) ansi Dibrugarh University along lo po pusi Six Month Karbi Language Certificate Course a programme co-ordinator Longsing Teron than.
Programme Co-ordinator Longsing Teron, kechengsi chiklo jon trok kacharli angdeng kapajut pen satlang ketok kapangcheng long apot ning arong chepaklang.
Pinpurme, Dibrugarh University court pen EC klembangphu lapen AUDC social advisory member secretary Longsing Teron kabor-i pen Assam University Diphu Campus alongta ta Six Month Karbi Language Certificate Programme kacharliji aphan men kethap asai klem bomlo. Karbi alam ta university angdeng an kele dun longpop ke alangli Teron kachepaduk along kaprek-kaprek abangphu atum kacherap-kacheto dun angthek lo pule pudet seta kechokche kali.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives