ADVERTISEMENT

This area is available for advertisement. Please contact for details.

Arnivang
Get Adobe Flash player

Langlokso ahavar rihing ameh asaikhi kave det ajok rat katora

Staff Reporter,
Diphu, Thekar, Thangthang 28:
Langlokso ahavar arat atum aphan kangting pen kapajokji aphan pu mangsi ratpangri ke ason-ason asaideng pen Langlokso ahavar meh rihing ari hingsi havar along pachethor longlo. Laso ajoine rihing ameh kihing ketangtang ahavar along rihing
ameh chethor long bom lo.
Pinpurme, kedamtang MLA kilik ahut havar along MLA atum Sum Ronghang pen Joyram Ingleng atum rihing ameh aphuthak pen chenglok ason-ason kachechak tekang apot rong arat ning arong chipi lo. Seta non apor ahut eson ningduk meme alam ke havar along rihing ameh hing lo, bonta rihing ameh asaikam along keklem asaikhi inutnat ta kave det ajok aphong-aphong rong mate havar arat atum kisung chechak nang lo. Athe rihing ameh ephong selam tang lote henone pinji pu ahormu kali, ahut pen ke heno dak ahutta do. Lason ahut kaselam abang kave det ajok rihing ameh hingkram seta chethor longle det ta do.
La-an chot kali rat atum rihing ameh kachethor anam kipiji aphanta ladak Dokmoka ansi vang nang kok lo. Rihing ameh asaihem kedo adim pen Langlokso kahelo ving ajoine temon arve kejang ahut rihing ameh ari kedak heihui ta dokok ahut doji. Lason ahut pulote tongsekot kaselamji aphan kelong athai kave adokok. Dokmoka an kapachiniji aphan puta phone (mobile) network ta me-oh eh det. Laso ajoine havar arat atum kisung mate katora dokok titi pusi Langlokso ahavar kedo rat asai klembang Bidya Sing Ingti atum birta nang pale.
Lahai akisung alam matha parsik rat atum kisung kepho jokplotji aphan MLA lapen Karbi Anglong Autonomous Council kachari kethe-kiding atum mesen asai kedengji aphan havar arat atum choningri.
La-an chot kali Langlokso ahavar amat saiphu-saikhi peksi rihing ameh asaihem pangni nangji, athe tongsekot apor ahut Dokmoka pen saikhi atum kevangji aphan thedung katora doji lapen tongsekot rat atum pen birta kapachiniji aphanta akasiksak do. Lasi thang akisung phophe aprang lahai aphuthak sai kedengji aphan choningri athe mo kopene kaheno asai dokok aphi ke Karbi asarlamgthe asonsi oso prakjangtang aphi prak kangthin pu asonsi man detji. Lasi Langlokso pen Nihanglangso ahavar apharman rihing ameh asaihem kapangniji aphanta rat atum choningri pusi rat asai klembang Bidya Sing Ingti birta nang pale.  
Lasi non There 3 arni Karbi Anglong Autonomous Council a CEM Tuliram Ronghang havar along kahumri ahut laso aphuthak isi bak kemesen abidi havar arat aphan pi tekang po puta rat atum aning chepathe.La-an chot kali Langlokso ahavar amat saiphu-saikhi peksi rihing ameh asaihem pangni nangji, athe tongsekot apor ahut Dokmoka pen saikhi atum kevangji aphan thedung katora doji lapen tongsekot rat atum pen birta kapachiniji aphanta akasiksak do. Lasi thang akisung phophe aprang lahai aphuthak sai kedengji aphan choningri athe mo kopene kaheno asai dokok aphi ke Karbi asarlamgthe asonsi oso prakjangtang aphi prak kangthin pu asonsi man detji. Lasi Langlokso pen Nihanglangso ahavar apharman rihing ameh asaihem kapangniji aphanta rat atum choningri pusi rat asai klembang Bidya Sing Ingti birta nang pale.  
Lasi non There 3 arni Karbi Anglong Autonomous Council a CEM Tuliram Ronghang havar along kahumri ahut laso aphuthak isi bak kemesen abidi havar arat aphan pi tekang po puta rat atum aning chepathe.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives