ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong ahavar kapaphinei ahavar CEM kisun

imageOur Correspondent
DIPHU, Thekar, Thangthang 28:
Karbi Anglong alongri nihang ahavar Borpung anat kaphihup atalom kapachingthurji aphan KAAC a CEM Tuliram Ronghang kengkam chejor damsi ongdung asaimo deng dam lo. Kedamtang Thangthang 10 arni laso ahavar kahumri damji aphan chesik lo bonta botor kememe det ajok arni lar det lo setame halaso arni kelar asonthotsi pini Thangthang achiklo kijutsi arni ta botor meme det lo bonta la-an arve kejang angbong setame alangli kachechak ateng botor le meme det ta havar ning chethe alam papleng dam lo. Borpung ahavar CEM Tuliram Ronghang kapale along Speaker Longki Timung, deputy speaker Ritesh Inghi anparta Bokajan a MLA Dr. Numol Momin, EM lapen MAC atum kahumri dam lo. Lasonsi nonhetjong BJP along kachingbe dun MLA barim Bidya Sing Ingleng ta chetong dun.
Haladak palesi anerlo 12 apor pen mai pangcheng lo, mai along PMGSY asaideng Km60 atovar kaselamji aphan Sik crore 60 atangka panong lo, open stage, school ahem kikimji aphan chechak tekang. La-an chot kali thanbang kave school along loh kapathanji aphan pini penap angbong thanbang pek po.
J.I. Kathgar ke kethak aphansi kevan lo, lasi alangli kethan alam ke kroi dun seta thang ale ave lo pu heihui alam jai tekang. Dr. Momin kejai ke, J.I. Kathar ke khei –khei angbong kethak asaisi keklem, lasi lason amonit pen Karbi Anglong arat atum chere nangji.
Mai kapajut ahut Karbi Anglong Autonomous Council a CEM arideng pen rat lapen SHG atum aphan peh kar-om lapen kaprek kaprek ahormu ron tekang.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives