ADVERTISEMENT

This area is available for advertisement. Please contact for details.

Arnivang
Get Adobe Flash player

Pulwama katengkheng: Sika lakh 20 atangka kipiji aphan Assam CM kapangdak

A Correspondent
GUWAHATI, Thangthang 15:
Atumi Thangthang 14 arni Kashmir athoi Pulwama along klempar atum katengkheng dun ahut Assam ahavar Baksa asor Central Reserve Police Force (CRPF) asaikhi Maneswar Basumatary det apharman kithi dun nang ahem asor atum aphan sika lakh 20 atangka pajirji pusi Assam Chief Minister Sarbananda Sonowal pangdak.
CRPF-98 Battalion a head-constable Maneshwar Basumatary ke Assam Baksa alongri Tamulpur asanchom Kolbari arong asor lo.
Jammu and Kashmir ahavar Pulwama along klempar atum Central Reserve Police Force (CRPF) asaikhi atum aphan katengkheng dun aphuthak kaprek kaprek ahamphang, ratchari asong lapen hamphang asong atum state adangpi ningduk chipisi chikimo lapen sodak pen pinrem lo anparta kachoklem atum aphan ke-ot paso dak nangji pusi hang rinti.
Klempar katengkheng along kahenonei angbong isi lo, Thangthang 14 arni Jammu and Kashmir ahavar Pulwama along Jaish-e-Mohammed pen bang 2547 CRPF asaikhi atum keroi hum 78 aphan arlen dunsi tengkheng dun lo. Laso abetung Jammu along aboha pensi Srinagar an kedam bom ahutsi kepho. Laso katengkheng along bang 42 raikom asaikhi atum apran dam lo laso angbong inut ke Assam asor lo.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives