ADVERTISEMENT

This area is available for advertisement. Please contact for details.

Arnivang
Get Adobe Flash player

Upper House along CAB kedengde detke Assam lapen nihang-nirep ahavar akachesong kehailo: Akhil Gogoi

OUR REPORTER
GUWAHATI, Thekar, Thangthang 14:
Kedamtang Thangthang 13 arni upper house along Citizenship Amendment Bill aphuthak keponpe det mate pangdakde det aphi pini kechengsi hamphang asong 70 atum Guwahati along pherangke amai pangni. Kachesong ahut kacheto dun kedo-an abangphu-bangphi atum pen danglok song-hamphang asong atum aphan alanglitum kurvangthu pajir. Guwahati Gandhibasti along kedo Krishak Mukti Sangram Samiti tiri asaihem along kangni pherangke amai along Krishak Mukti Sangram Samiti (KMSS) Akhil Gogoi kaningje ke, laso kehai ke BJP aphuthak Assam lapen nihang-nirep ahavar kachesong arat atum kehai lo pusi ningje. BJP atum kaningje Saraighat kachesong jasemet petke lahenlo. Nelitum Ramsingha aphan paremlo. Laso along kachesong kejalin ke Assam lapen nihang-nirep ahavar arat henlo setame lake kijutsi aron kalilang pusi Akhil Gogoi ningje. BPF atum Citizenship Amendment Bill aphuthak kekhamhke dunde det abangke kopai kelangnolo puta Akhil ninjgesi kachesong ahut Bodo arat mate ABSU atum nangcherap dunlo setame BPF atum nangcherap dunde detlo pusi Akhil Gogoi ningje. CAB aphuthak kachesong ahut Assamese akhei ajirpo angthek ke ladak pensi klang etlo puta Akhil ningjesi kevangji MP kilik ahut BJP aphan kaparemji aphan kado kave atumta seme deng nangpo pusi choningri. BJP aratpangri kapangdang Passport (Entering India) notice pen ajir kidingklui Visa aphuthak song 70 hamphang asong atum Supreme Court along damji pusi Akhil ningje. Halapu AJYCP sankur chunbang Palash Sangma ta kachesong arat do-an aphan kurvangthu lapen kachoro pajirsi kedamtang ningkan hini ra achitim kachesong kijutsike rat atum kachesong ajoine upper house along Citizenship Amendment Bill chingvaive detlo.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives