ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 45 KYF katalon CEM Tuliram Ronghang pen kaprek kaprek adim ingpusi kapangcheng

imageStaff Reporter
Diphu, Thekar, Thangthang 14:
Taralangso Karbi Peoples’ Hall (KPH) along Pini pen ingdeng 45 Karbi Youth Festival (KYF) alir along pini pacheng tang lo.
Saimo ateng pini arnikangsam porphai 5 apor malom pen Karbi Anglong Autonomous Council a CEM Tuliram Ronghang arideng pen Honsere arong rup lapen departmental store kelan ahemtun ingpu lo. Porphai 5:30 apor malom tirikam amei ameiphu lapen KAAC EM Horen Sing Bey pen Honsere aboha (Zonal Camp) ingpu lo, laso aphi Honsere aboha tin tame ingpu lo. Bangso aphi kangsai bangphu lapen havar amei atum kachethan kachemum amai pangni Ingdeng 45 KYF katalon chengsi arni pathon lo.
Pinpur ponme, Taralangso KPH alongklam along Karbi Riso Nimso Rong aje katalon pining aningkan an ningkan 25 pleng tang lo. Ningkan 25 kepleng anke Taralangso Karbi Riso Nimso rong aje katalon along nang kachepate dun a Honsere (Zone) pen kevang atum kabohaji ahem thirkluk aboha kim rang patangsi pini ingpu lo.
KAAC CEM Tuliram Ronghang lapen Team Karbi Anglong lapen KCS tiripi amei atum kamatha kaparsik lapen jutang kachinghon ajoksi pini arni thirkluk aboha long lo pusi ongdung kacheroktok arat atum ningje.
Penap Thangthang 15 arni Taralang Karbi Peoples Hall ningkan 25 kepleng ruptalin katalonji aphan chisik chedang lo. Laso ateng penap adap apor rong ketong asai patangdet aphi Taralangso KPH ningkan 25 Ruptalin karcho amai pangniji pusi birta long dun.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives