ADVERTISEMENT

This area is available for advertisement. Please contact for details.

Arnivang
Get Adobe Flash player

Assam lapen nihang nirep ahavar arat kachesong ajakong kethe ajoksi haidetlo: AGP

OUR REPORTER
GUWAHATI, Thekar, Thangthang 14:
Khei kapavir Citizenship Amendment Bill aphuthak tiri ratpangri atum upper house along pangdak haihei det abangke Assam lapen nihang-nirep ahavar kachesong arat ajoklo lapen kehailo pusi AGP ameiphu Atul Bora pangdak. Pachetak aloh pen alangli kapangdak ke, phurkimo Assam Accord aphan arkan pen Assam aphurkimo jutang-jubat-nim-rokom kapavirji aphan kabor-i laso a Bill aphuthak AGP asong kechengsi ahut pensi nangchesong bom vangbom lo. Nonhetjong Meghalaya chief minister Conrad Sangma pen Mizoram chief minister Zoram Thanga anparta nihang-nirep ratchari asong chelangsi bill aphuthak chesong rappetlo. Laso kachesong ke Assam mate nihang nirep ahavar arat lapen hamphang asong angbong kaiketa ning isivet kedothip angthek puthot paklang lo. Assam sankur arat atum aphan kachesong akardom pajirsi puthot Atul Bora kapangdak thuke, Assam arat democratic aron pen kachesong kosonsi hai nangjima laso abangke chini. Kether-kehap, lamdok-lamthu lapen pachethak aratchari keklem pen democratic kachesong aphan parem un-eh. Kachesong rappet ajakong along puthot Delhi tiri ratpangri remdet lo. Sankur arat pen pen AASU, NESO, KMSS, AJYCP pen danglok 70 hamphang asong, Assam Sahitya Sabha, AAKP, kethek-kere, lunsepo-lunsepu, tokbang-hirbang, pherangke atum ning sivet pen arji kidingklui state apharman se angtong kachipi thek aphuthak Atul Bora kachoro lapen kurvangthu pajir thu. Chief Minister barim Praffulla Kumar Mahanta ta CAB aphuthak kachesong abangphu, bangphi do-an aphan kurvangthu pajir. Pherangke amai along AGP ongdung jabang atum chetong dun.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives