ADVERTISEMENT

This area is available for advertisement. Please contact for details.

Arnivang
Get Adobe Flash player

Arnavi Drop alang abong arlo thermocol achet kelong

A correspondent,
Diphu, Thekar, Thangthang 14:
Khatkhati Police Station angkang kedo Arnavi Drop kangsir tang kijun alang angbong Bokajan sub-division angkang anparta Karbi Anglong pen Nagaland malom anta kipi pachetang lo.
Ongdung arat kijun alang ko-ansi kangthir kangthirthe pini Thangthang 14 arni rat athengno cheklang tan lo. Pini Arnavi Drop kangsir tang kijun alang abong arlo alongsi thermocol achet long tan lo.
Pinpurme, todap porphai 11 apor malom SYJ CC ameiphu Rocky Tokbi, Rameswar Terang, Longbamon Ronghang anparta ari asangho atum ihum hotel along lang keso kijunji aphan damsi lang chohanglo lapen laso alang kijunji aphan kangpuji ahut lang abong arlo thermocol achet thek long loklo.
Aphi alanglitum laso Arnavi Drop lang kangsir a factory along humri dam lo lapen ladak kado kave lang kangsir adim heihui kuruk dam lo.
Arnavi Drop alang kangsir adim akele hijim meme lapen terpik khangjang pusi than. Laso alang ajir kiding klui pen kangsir tang alang pupen rat aphan chongthui chobai bomsi tangka kejoi palongsi apuru chepangcho bom lo.
Ahok pet adim humri dam pen lang dam pulote laso alang jun hai abang ave detji lapen lake ok pran aphan kaphere meme ang-ang do. Lasi prapjin pen Khatkhati along kedo Arnavi Drop lang factory panghap chek nangji lapen trading license anta ingthan et nangji pusi Tokbi asangho ningje. Laso alam patangra batai hini kethom lason kaprek-kaprek aketer, chitim api lapen aduk abet ta longlo. Aphong-aphonglo apotsi non adihu ke KAAC along arpu kedo atum lang tarlipsi inghap chek nangji pusi SYJ atum ningje.
Laso alam aphuthak pini amat Bokajan police station along lamhoi pi detlo puta alanglitum pachini.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives