ADVERTISEMENT

This area is available for advertisement. Please contact for details.

Arnivang
Get Adobe Flash player

Ahokhe Challan pen sangti kepon a truck KAUPA atum kenep dun

Staff Reporter,
Diphu, Thekar, Thangthang 14:
Thangthang 14 Theman arnikangsam porphai 6:30 apor malom Karbi Anglong United Peoples Association atum ahokhe a challan pen sangti keroi lapen ingnam raikom asaikhi atum joi-joi pen tang kacho-en dun kenep dun.
Pinpurme, KAUPA atum Phuloni along chojun kidun pen nang chevoisi Diphu kachevan bom ahut tovar malom sangti kepon a truck kapasang theklongsi truck kevek atum aphan arju patertok lo. Laso ahut truck kevek atum pen kapaklang a challan amokha lang pen papraisi puthot arni kachopakam si longlo pusi KAUPA ameiphu Mohon Teron lapen pachethang chunbang Kamson Kro atum pangdak.
La-an chot kali ingnam raikom asaikhi atum joijoi pen tangka kacho-en dun ta nep dun long lo. pinpur thume kedamtang Arkoi 9 arni Karbi Anglong Autonomous Council pen kapangdak ateng ke, ingnam raikom asaikhi atum tovar kacheleng a gari along arju dun longle lapen tarlip longle pusi pangdak lo, seta ingnam raikom asaikhi atum patoitesi joi-joi tangta cho-en dun bom puta KAUPA atum jong. Lasi lahai aphuthak Karbi Anglong Autonomous Council along ajakong kedo atum arsikjit tarlip dun nangji pusi Karbi Anglong United Peoples Association atum kehang paso pusi KAUPA ameiphu Mohon Teron lapen pachethang chunbang Kamson Kro atum birta pachekat.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives