ADVERTISEMENT

This area is available for advertisement. Please contact for details.

Arnivang
Get Adobe Flash player

Upper House along CAB dengde detlo, Upper House session arni hothe pin aphan kapasang

OUR REPORTER
GUWAHATI, Thekar Thangthang 13:
Citizenship Amendment Bill 2016 alam pangdakde aprangsi pini speaker M.Venkaiah Naidu arni hothe pin apharman session pasangkok lo. Pini anarlo porphai 12:50 apor session pasangkok aphi Assam mate north-east arlo kachesongbom sankur arat atum ning kachethe lapen ning arong chipi lo. Sankur arat ajakong kehai lapen democratic aron ajakong kekhang ason lo. Kopi ajoine pensi session pasangkok pen BJP atum kemang ason pen kachepaheloma laso aphuthak non anta klardak avelang. Kevangji MP kilik aprang-aprang BJP atum Hindiu Bangladeshi aphan kelo ke BJP atum kamatha ason non anta patini thek thelang.
Jongdame, kedamtang Thanthang 12 arni BJP atum laso a CAB aphuthak kapangdakji aphansi chisiklo setame un-eh detlo puthot pini kapangdak thuji aphansi bor-i lo. Upper House along home minister pen danglok kado kave atumta adap pen hon klunglo. Halapu opposition atumta pini laso a Bill kekhamkheji aphan chingrum lo. Laso ajoine pini laso a Bill pangdakdet pusetame kedengde detji abangke angring thetan lo. Ajat noi constitution, democracy aphan aman kekhanglo lapen kachesong sankur arat ajakong aphan ning pathelo. Pini Upper House along Bill aphuthak kedengde det ajoine Assam mate nihang-nirep ahavar kachesongbom hamphang asong jabang lapen klembang atum ning karong chipi.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives