ADVERTISEMENT

This area is available for advertisement. Please contact for details.

Arnivang
Get Adobe Flash player

Rong-aje aphisi Borpung ahavar along CEM rat pen chihut-chiput amai ingni po

A Correspondent,
Diphu, Thekar, Thangthang 11:
Atumi Thangthang 10 arni Nilip MAC Constituency angkang Borpung Tarapung ahavar along BJP ratchari asong Nilip Block Mondol atum patirpisi Karbi Anglong Autonomous Council CEM Tuliram Ronghang lapen Nilip MAC Constituency angkang Borpung ahavar arat atum pen chingki-chethan amai kapangniji aphan chisik lo. Nilip Constituency angkang arat atum kopai kelangno asonsi mansi arve kapatora ajok kithiktang amai pangni longle det lo. Laso alar Thangthang achiklo kijutsi arui malomsi bangso amai kapangni thuji aphan apor hot thupo pusi BJP Nilip Mondol Committee pen MAC Pabitra Rongpi atum birta pachini.
Thangthang achiklo niphai 14 pen 19 an aningkan asonsi Karbi Youth Festival kedokok ajoksi Borpung along CEM Tuliram Ronghang rat pen chihut-chiput amai Thangthang achiklo kijutsi arui pon nangkok lo.
Methang Karbi ajutang kapachanji aphan pu arong-aje KYF aphan man chipisi Nilip Constituency angkang Borpung ahavar along kapangniji amai aphi pon det lo.
Pinpurme, mai kapachunji aphan pusi BJP Nilip Block Mondal atum chisiksi rat atum anta bike lapen kaprek-kaprek inglong karlu un a motor chisikdingsi dolo, seta arve kejang tovar kanglit ajoine mai pangni longle det lo.
Nilip arat jasemetpet Borpung ahavar arat atum ning bi nangne. Laso amai pangni vekji puta BJP Nilip Block Mondal aphan MAC Pabitra Rongpi kapinkhat ateng pachetak. Lasi methang arong-aje along Nilip Constituency arat do-an atum cheto dun pen arong chipi dun lonang lapen ingdeng 45 KYF arong-aje jutdet aphi le Borpung ahavar along mai pangni lonang pusi BJP Nilip Block Mondal atum pen rat aphan aning kapathe.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives