ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi United Baptist Church along abarimnei Rev. David Teron aphan rong kethon

Alangli kithi aphuthak ningduk angthek Hamren angkang hithi inghap kling

Our correspondent,
HAMREN, Thangthang 11:
West Karbi Anglong ahempi Hamren rongsopi angkang apharman Karbi United  Baptist  Church along abarimnai ajabang lapen West Karbi Anglong angkang inut anong kachethang klong abangphu Rev. David Teron asangtet kijutkok ajok atumi Thangthang 10 arni thiri thon dun lo.
Laso ahut Hamren rongsopi arat atum alangli arong kachevoi aphuthak ningduk chepaklangsi rongsopi arlo kulat heihui anta ingkir dun lo. La-an chot kali atumi Thangthang 10 arni alangliphan kethon dun ahut havar angkang kedo kaprek-kaprek arong arat atum chetong dunsi alangliphan chepadi dun lo.
Karlitang  Rev.David Teron Thangthang  achiklo niphai 7, 1959 arnisi pirthe amahang thek lo, alangli ningkan 60 pleng det pen 2019 Thangthang achiklo niphai 8 ajo porphai 8:55 aporsi kado kave atum aphan che-oh tekang pen chom chevoi jui lo.
Alangli arong kachevoi pu abirta kelong pen adon-arap atum do-an anparta KUBC kachari man kedo abangphu-phi anparta Church of God, Presbyterian, Catholic, PKBA ajabang atum chetong dunsi kithilot abangphu ahem asor atum along ningduk chipi dun rinti.
Alangli chor Satisfy Kropi pen asopi akleng Gracy Teronpi, asopo Salvation Teron lapen Stanley Teron atum aphan chepamo tekang lo.

Leave a Reply

Your email address will not be published. Required fields are marked *

BREAKING NEWS
February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives