ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 8 Rangsina Sarpo Film Award kapajir

imageStaff Reporter
Diphu, Thekar, Thangthang 11:
Karbi Anglong Autonomous Council (KAAC) Art & Cultural asaikam patirpisi Matipung Arboretum cum Craft Centre ahongjai along arnikangsam porphai 7 apor pen Ingdeng 8 Rangsina Sarpo Film Award & Folk Artist Award 2019 kapajir amai pangni.
Alohi sarpo aman pen KAAC CEM Tuliram Ronghang chetong dunsi anong-eh kapajir amai ingpu dun lo. Nong-eh kapajir amai along KAAC chairman Longki Timung, KAAC Deputy chairman Ritesh Inghi, Team Karbi Anglong, KCS meiphu Chandrasing Kro pen chenglok cheparjan bangphu-phi lapen lam arjan kabonda atum chetong dun.
Karbi atum keplang kiphi ahutke lun temo lapen alunjir ate-ot ave, setame Songsar Richo atum pen Karbi atumta khei kangthim, alam aki do pu mathasi lun temo ta kenangsot pu ajoine Rangsina Sarpo aphansi pirthe nangtoilo. Rangsina Sarpo ke West Karbi Anglong along Inghin Anglong alongsi nangboha lo. Halabangso ahut alangli Rangsina Sarpo ahin pen lun temo heihui Longbi lapen Chedu atum aphan Jengkha adung Telehor amang alongsi than tekang lo. Lasi laso ateng pensi alanglitum aphan panongsi Rangsina Sarpo anong-eh tame pajir lo pusi KAAC CEM Tuliram Ronghang jai.
Karbi atum ta isi khei kangthim, emethang ajutang jubat, pindeng sumpot, elam eki, edon erap do, lun-temo, lun kurusar do, lasi Karbi atum Hemprek ke longvek nangji puta CEM Ronghang jai.
Rangsina Sarpo Film Award 2019 apharman Screening Committee lapen Final Selection Committee atum pen Nomination kapadusi angthek kapaklang ateng pen puthot ingvai thusi nong-eh pajir lo. Birta ketok apor ahut anke komat lapen koso a lam arjan tong nong-eh kelong lone angthek paklangkle lang.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives