ADVERTISEMENT

This area is available for advertisement. Please contact for details.

Arnivang
Get Adobe Flash player

District adang pen kemenai ASHA adunthu anong-eh kelong dun

Reporter,
Diphu, Thekar, Thangthang 11:
Thangthang 3 arni Guwahati Sarisajai along All Assam ASHA karmi amai pangni. Laso amai along Assam angkang kedo an ASHA klembang atum kaprek kaprek a district pen chetong dun.
Karbi Anglong penta ongdung ASHA klembang atum mai chetongsi kaprek kaprek kenangsot alam chini dun longlo. Laso ahut ASHA klembang atum angbong kemenai asai kacheklem atum aphan nong-eh pajir lo. Laso ahut Karbi Anglong arongsopi Diphu adung kedo Hidisajir arong amekar Andrew Rongpi achor Roselyn Taropi tame District isi angbong ASHA klembang kemenai adunthu anong-eh long dun lo.
Alangli Manja Block kaparlo angkang along inut ASHA klembangphi lo, Roselyn Taropi kedamtang penang arni pen ASHA along klemdunsi havar along kedo rong arlo kedo asarpimar atum aphan keso ahut kalana dun pen chenglok, oso kachopathe ahut kirim nangji aron atang anparta kachere nangji alam than pare asai keklem chepaduk lo. Lapuson alangli keklem kachepaduk angthek District adang alangli adunthu ASHA keklem keme anong-eh chedeng dun longlo.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives