ADVERTISEMENT

This area is available for advertisement. Please contact for details.

Arnivang
Get Adobe Flash player

CAB alamki: Nihang nirep amonit aphan nang pajanglong: AASU

A Correspondent
GUWAHATI, Thangthang 11: Jongsi
Citizenship Bill Rajya Sabha along deng det pulote India alongle kaboche dunvek nihang nihang ahavar amonit aphan nang pajanglong po pusi AASU bidisar Samujjal Kumar Bhattacharya ningje.
State arlo khei kangthim apharman laso Bill kapadeng longle detji aphan NESO abetung kedam atum aphan MP Biswajit Daimary chechak puta Bhattacharya pangdak.
Thangthang 12 arni Rajya Sabha along Citizenship (Amendment) Bill kachingvaiji aphan keponji alam do laso aphuthak pini Thangthang 11 arni All Assam Students’ Union (AASU) bidisar Samujjal Kumar Bhattacharya kaningje ke, Citizenship (Amendment) Bill aling penta dengdet pulote nihang nirep ahavar aphan nang pajangreng long po. North East Students’ Organisation (NESO) adelung kedam along Bodoland People’s Front (BPF) jabang lapen Rajya Sabha MP Biswajit Daimary lapen Janta Dal (United) sankur chunbang KC Tyagi atum aphan chetong damsi Citizenship (Amendment) Bill alamki aphuthak arsik krung chingvai.
Lasonsi kedam abetung athengno Tyagi kaningje dun thip alam kipu ke, Bharatiya Janata Party-kejalin National Democratic Alliance (NDA) ratpangri atum aling penta Rajya Sabha along Bill aphuthak padeng papachun longle lapen Bill aphuthak ratchari asong do-an kekhamkhe dunji aphan chingrum rappet lo.
“Shiv Sena lapen JD (U) pen akaprek chelang rappet atum Bill aphuthak NDA along khamkhe dun lo. Bill aphuthak United Progressive Alliance (UPA) atum khamkhe. Nihang nirep ahavar kedo-an BJP pen akaprek abangphu atum do-an ta Bill aphuthak ase angtong arki chepathe dun lo. Lasi, Rajya Sabha along Bill kedengji pu alam amatsi ave,” puta Tyagi ningje.
Kedam abetung atum Upper House Rajya Sabha along opposition jabang atum Bill aphuthak kekhamkhe dunji aphan choningri.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives