ADVERTISEMENT

This area is available for advertisement. Please contact for details.

Arnivang
Get Adobe Flash player

66 aphong SABF ningkan asek amaipi mesen pen kapachun

A Correspondent,
Bokajan, Thekar, Thangthang 11:
Lun 126:6 Bible athepi ripsi kedamtang Thangthang 8 pen 10 arni an ni thom apharman Sangtilangso Baptist Fellowship along 66 aphong Saphapani Area Baptist Fellowship (SABF) atum ningkan asek amaipi pangni. SABF kapinkhat atengsi Sangtilangso Baptist Fellowship atum kapatirpi pen kapangni amai kecheng arni anerlo porphai 2 apor pen pharman bangphu kedeng lapen ajo kanghong a girja ingni lo.
Adunthu arni adap 8 apor SABF ameiphu Aaron Teron arideng pen SABF alama, Tribune Rongphar arideng pen SABYF alama lapen SABWD ameiphi Basapi Beypi arideng pen SABWD alama pachipur lo. Laso aphijong kachetong dun mondoli pen fellowship atumta methang-methang mondoli alama pachipur rintisi katalon pangcheng lo.
Adunthu SABF, SABYF lapen SABWD atum methang-methang amai chingni rep lo. Arnikangsam porphai 5 apor riso-nimso atum a girja pangni lo. Laso amai meiphu Tribune Rongphar si chepahemphu lo. Mai along chunbang Onh Kro si kenangsot alam heihui paklang dun lo.
Thangthang niphai 10 mai kapajut arni adap Nimarli Amei atum a girja lapen anarlo ke karcho a girja pangni. SABF ameiphu Pastor Aaron Teron kachepahemphu karcho a girja along chunbang William Singnar alohi kapachini lapen kenangsot alam kapaklang apor en.
Arnikangsam porphai 5 apor mai kachekak a girja SABF dun meiphu Jiten Terang chepahemphu lo. Laso along SABYF pen SABWD atum akimi arpu kedeng atum aphan Rev. James Rongpi arnam ahirjume hangpi lo. Arnam alam ta Rev. James Rongpi amatsi than lo.
Mai esek arnam alam kethan atum Rev. James Rongpi pen KABC Youth chunbang Monison Teron atum hen lo. Kero-karcho alun Saphapani Area Baptist Youth Fellowship atumsi kaparju.
Porphai 7 apor SABF ameiphu Aaron Teron Arnam ardomsi lama pajir dun pen mai ta ingsamjin pen pachekak lo.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives