ADVERTISEMENT

This area is available for advertisement. Please contact for details.

Arnivang
Get Adobe Flash player

Tovar along kachingkoi kapajumji aphan DTO sai kedeng

imageOur Reporter,
Diphu, Thekar Thangthang 10:
Gari-motor kanglum bom apor ahut tovar along gari kachingkoi aphai ta inglum pik lo. Laso ajoine arnivangta ongdung atum apran kachepangbo nang dolo. Lason ahut Karbi Anglong arongsopi angkang gari kachingkoi ahut kisung mate apran kachepajok thekji aphan pusi dang ni a gari kevek atum aphan helmet pachikup toi lo, seta helmet kachikup aphan ongdung atum aning kehanghe det ajok atumi District Transport Officer (DTO) sai dengsi tovar akok keton-kelang asai deng lo.
Bangso aphan atumi Bhomti arni Diphu-Manja atovar Birla Presbyterian School adung NH-36 atovarpi along kelangchari asai deng lo. Laso ahut helmet kachikup ke bike kevek atum atum aphan khang dunsi helmet kachikup ke adai en dun lo. Kelangchari ahut dang ni a gari kevek penang an atum helmet kachikupke atum an adai patu nang lo. Laso along isi ningduk meme alam ke, Karbi Anglong arongsopi Diphu along DTO saihem pangni lo, seta Karbi Anglong Autonomous Council along DTO pen medu kele jumhek khangjang lapen jahak aningkan ke sika isi ta council along DTO pen medu kelele aningkan ta do puta birta long.
Tovar along adai (fine) ke-en, anparta gari a number ke pen chenglok kaprek-kaprek asai pen DTO asaihem along arnivangta ongdung atangka Karbi Anglong arat atum thon dam. Lahai atangka Karbi Anglong Autonomous Council along medu kele damde det ke ningduk meme binong pusi ongdung kacheroktok arat atum ningje.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives