ADVERTISEMENT

This area is available for advertisement. Please contact for details.

Arnivang
Get Adobe Flash player

Rongplimplam along Hambi Kapathu kapachun

OUR Correspondent,
Diphu, Thekar, Thangthang 10:
Rongplimplam Bim Ingti arong along Riso Nimso Committee (RNC) atum patirpisi atumi Thangthang 9 arni 3 angdeng Hambi kapathu kibi.
Karbi jutang kapathu kapachanji aphan pu akemang pen kibi ingdeng 3 Hambi Kapathu along kado kave team 8 atum chepate dun. Laso angbong pini Thangthang 10 arni Rongplimplam Bim Ingti pen Nokbe Kangthir (Bim Ingti) atum angbongsi angdung kiti pathu chepate.
Kethekser ajok Nokbe Kangthir atumsi angdung kiti hai lo. Laso along Thong Nokbe kekat, arjan kihi, karju kethak, volo kacharchu, bathili ke-ap, keng dongdang, nujok karlu heihui kado kave kapathu pachepate lo. Lahai kachepate along 1st, 2nd, 3rd  kachepale dun atum aphan pini kapajut arni nong-eh pajir.
Laso asaimo kapachunji aphan West Karbi Anglong BPEO Hakim Rongp kerap pajir dun lo. Laso ateng pini kapajut arni alangli chetong dunsi kapathu along kehai atum aphan alangli rideng pensi nong-eh ta pajir lo.
Hirbang On Teron, Dillai KSA dun meiphu Amit Ingti, thanbang Ganesh Ingti atum pen chenglok rong asar lapen riso basa anparta rong amekar atum ta chetong dun.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives