ADVERTISEMENT

This area is available for advertisement. Please contact for details.

Arnivang
Get Adobe Flash player

Longri angkang kaprek-kaprek adim along ‘Saraswati’ karkli

Our Reporter,
Diphu, Thekar, Thangthang 10:
Pini Thangthang 10 Bhomkuru arni kaprek-kaprek adim along loh kacharli anatthu arnam ‘Saraswati’ karkli arni Karbi Anglong district hini angkang kedo ongdung school along arkli dun.
Pinpurme, ingdeng kep asatlang ketokji aphan kachisik bom anparta kaprek satlang ketokji aphan kachisik bom charli a osomar atum pini havar along kedo kaprek-kaprek Saraswati Mondir along damsi kanempru adhoop, thesere pen Saraswati arnam aphan chongduksi hirjume chohang dam rinti.
Lason ahut pini Birla Nepali arong along kedo Saraswati mondir alongta charli a osomar atum ahirjume kachohang dam jengtoi-jengni theklong. Charli a osomar atum adapprang thurpen chinglu-chingthisi chepangthir et pen methang school ahem lapen ajahak atum mondir along damsi ningkan arjon loh kacharli dun pame thekji anparta satlang do-an mesen pen ketok dun thekji aphan charli osomar atum hirjume chohang dun rinti lo.
School along chot kali, bonta Karbi Anglong arlo kedo kaprek-kaprek college lapen higher secondary school heihui along anta pini Saraswati arkli dun.

Leave a Reply

Your email address will not be published. Required fields are marked *

BREAKING NEWS
February 2019
M T W T F S S
« Jan    
 123
45678910
11121314151617
18192021222324
25262728  
Archives