ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 6 KAUPA asong mahang kethek katalon

A Correspondent
Diphu, Thekar, Thangthang 10:
Pini Diphu Club along Karbi Anglong United People’s Association (KAUPA) atum ningkan 6 kepleng mahang kethek katalon.
Saimo ateng adap porphai 9 apor alom KAUPA meiphu Mohon Teron song alama pachipur lo. Laso aphi karlitang atum aphan chikimo.
KAUPA ameiphu Mohon Teron chepahemphusi rat amaipi pangni. Mai along alohi sarpo aman pen JACAS Chairman Khorsing Teron lapen advocate Robinson Hanse chopha alohi, DSU ameiphu Dhiraj Diphusa, AKASGBA sankur chunbang Dorsing Terang, KSA meiphu Semson Teron, USUKA ameiphu Bibison Teron, KAIYA ameiphu Stalyn Ingti, chunbang Roshan Teron lapen KAUPA meiphu barim Barnabus Rengma, KAUPA bidisar Babusing Terang, Dr. Habe Teron, KSA meiphu barim Rajit Teron atum pen chenglok ongdung man kedo atum chetong dun.
DSU ameiphu Dhiraj Diphusa kejai ke, ‘KAUPA asong aphan ning ingsam pame athe dak Karbi Anglong kedo akhei aphan kachingrum alongklam lo.
Bidisar Dorsing Terang kejai ke, khei kedo-an pen chinghon seroi nangji, lalote Karbi Anglong monsam dolong po.
Alohi sarpo Khorsing Teron KAUPA asong pen hemprek apharman kachesong along cherap-cheto dun nangji lapen non hemprek apharman ning isi vet nangji pusi choningri.
KAUPA asong atum khei kedo-an aphan pangrumsi hemprek kehang along chesong nangji lapen hemprek kehang along kodaksi katikuk ma lapen komat-matsi kechokche ma non eprang kevangji JACAS pen rat angno paklangji puta Khorsing Teron jai.
Laso aphi meiphu pen kevangji aprang aphan longle lapen ahoi kacheraikomji aphan chesong bomji lapen khei kisung along cherap-cheto dunji pusi meiphu alamthe kejai ahut jaisi ingsamjin pen ingdeng 6 mahang kethek katalon pachun lo.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives