ADVERTISEMENT

This area is available for advertisement. Please contact for details.

Arnivang
Get Adobe Flash player

EM Amorsing Tisso Kulat ahem kimpi nak kedopi abang avedet

REPORTER
DIPHU, Thekar Thangthang 10:
Choki-chokam ahin Karbi arat atumta pachingthur dun nang pusi KAAC ahin pen bor-isi Karbi Anglong angkangpi ongdung adim along mesen-mesen kulat ahem mate market shed kimlo. Laso atengsi beha-bepar kachoklem abangphu bangphi atum arni arve chingtang jokplot pensi kejor kelan avarsai longlo. Hithi kulat ta kelang alon domu chotlo. Kedamtang ningkan 10-15 aprangke phelang asarnung lapen chek anujok pen kikim akulat heihuisi thek longlo. Setame apor nangchelar bomsi nonke kithirthip ciment anujok lapen tin asarnung kedo ahithi kulat si ke-onglo. Atok ano kedo arat atumta chojor cholang ahin pachingthur dun nang lapen sika isi hini kelong pen masapso kereng avarsai pado lonang pu kamatha ajok Singhason Constituency MAC mate EM Amorsing Tisso bor-isi alangli constituency along ongdung adim market shed pangnilo. Setame isi ningduk meme abangke kedamtang 217-18 abaha Development of Rural Market Plan pu asaideng pen Tichom arong along kikim market sheed non- anta kedopi abang ave detlo. Laso ajoine EM Amorsing Tisso kimpi nak asonlo. Laso a market shed kedamtang 2018 aningkan Vosik achiklo 23 arnisi ingpulo lapen non 2019 Vosik achiklo nangle lote ningkan isi kechokpo bonta kejor kelan atum kangnine det ajok laso a market shed lapu amatsi pangjok lun lo.

Leave a Reply

Your email address will not be published. Required fields are marked *

BREAKING NEWS
February 2019
M T W T F S S
« Jan    
 123
45678910
11121314151617
18192021222324
25262728  
Archives