ADVERTISEMENT

This area is available for advertisement. Please contact for details.

Arnivang
Get Adobe Flash player

Congress election manifesto along CAB aphuthak parlo ponji

OUR REPORTER
GUWAHATI, Thekar, Thangthang 10:
Non kevangji MP kilik ahut All India Congress Committee (AICC) pen kapangdakji manifesto along Citizenship Amendment Bill (CAB) aphuthak kaparlo ponji aphansi kachisik pusi Assam Pradesh Congress Committee ameiphu Ripun Bora pangdak. Alangi kapangdak ke Congress abarim jabang P. Chidambram kachepahemphu amai along AICC election manifesto a committee pensi CAB 2016 aphuthak election manifesto along kaparlo ponji aphan cherailo puta Ripun Bora pangdaksi nelitum puthot jakong cheharjak thulong pulote Citizenship Amendment Bill 2016 abangke pave detji. APCC a meiphu Ripun Bora kapangdak thuke Congress kilik manifesto along nihang-nirep ahavar ajahak kenangsot aphuthak ta parlo ponji, lake nihang-nirep ahavar kedo a state aphan akaprek ajakong kapajir, North-Eastern Council (NEC) lapen DoNER ministry aphan salajong ajakong kapajirji aphuthak ta parlo ponpo.
BJP aratpangri atum Assam sankur arat kemang dam alam aphuthak chelem idet lo. Guwahati along All Assam Students Union (AASU) asaihem ta pangkir cheklo, la anchot ta kali Assam along atemon nihang-nirep along BJP atum laso atemon kachepangbom alamsi ningjelo. BJP atum nonke vote bank aratcharisi keklemlo puta Bora arboksi kevangji MP kilik aphan mang damsi Congress tiri ameiphu Rahul Gandhi song along kedo-an sankur chunbang lapen Pradesh Congress ameiphu chunbang atum pen chetongsi kilik kachisik aphuthak chingki-chethan lo lapen MP kilik apharman Delhi arongsopi pen Congress jabang atum prapjin pen nihang-nirep ahavar nangsunji pusi Ripun Bora pangdak.

Leave a Reply

Your email address will not be published. Required fields are marked *

February 2019
M T W T F S S
« Jan   Mar »
 123
45678910
11121314151617
18192021222324
25262728  
Archives