ADVERTISEMENT

This area is available for advertisement. Please contact for details.

Arnivang
Get Adobe Flash player

CAB aphuthak khamkhesi AGP abitung puthot Delhi kebar

REPORTER
GUWAHATI, Thekar Thangthang 10:
Assam along kahurisai Citizenship Amendment Bill 2016 aphuthak ajat pen noi tiri ratpangri atum aphan padeng longle detji aphan mate Assam boche barim akhei ajutang-jubat ni-rokom heihui keraikom thekji aphan pura Assam Gana Parishad (AGP) atum kedamtang arni pen kachesong ingtonte pinlo. Alanglitum kachesong det kali pjirpo asong BJP penta chekak dun daksi Atul Bora, Keshop Mahanta lapen Phani bhuchan Choudhory atum minister anghoi pen che-oh buplo. Laso ajoine alanglitum aphan hamphang asong atum pen danglok Assam arat atum kurvangthu pajir. Khei longri apharman alanglitum lapuson akengkam chejor thipsi pini puthot AGP ameiphu Atul Bora jalinsi CAB aphuthak khamkhesi Delhi arongsopi barlo. Meiphu Atul Bora kejalin along Keshop Mahanta, chief minister barim Prafulla Kumar Mahanta, Phani Bhuchan Choudhory, Birendra Prashad Baishya, Romendra Narayan Kalita lapen Dr. Kamalakanta Kalita atum dunsi CAB aphuthak kaprek-kaprek ratchari asong jabang atum aphan chetong damji lapen ason-ason lamthe chepachoiji pusi chini dun.

Leave a Reply

Your email address will not be published. Required fields are marked *

BREAKING NEWS
February 2019
M T W T F S S
« Jan    
 123
45678910
11121314151617
18192021222324
25262728  
Archives