ADVERTISEMENT

This area is available for advertisement. Please contact for details.

Arnivang
Get Adobe Flash player

Donkamukam PVN High School ningkan 50 kepleng katalon

Correspondent
Jengkha/Kheroni, Thekar Arkoi 22:
West Karbi Anglong District angkang kedo No.6 Bithung Rengthama Constituency arlo Donkamukam PVN High School along pini Ningkan phokep (50) kepleng Golden Jubilee katalon.
Donkamukam PVN High Schoo ningkan phokep kepleng katalon amai along Karbi Anglong Autonomous council a CEM Tuliram Ronghang alohi sarpo aman pen chetong dunsi ingpu dun lo.
CEM kerap dun a agate ta CEM Tuliram Ronghang arideng pen amatsi pangpu lo. Pini pen kapangcheng nithom 22 pen 24 an katalonji amai mesen pen kichunji aphan KAAC CEM Tuliram Ronghang arnam lapen karlitang laso school loh charli bangphu/phi atum aphan Hirjume hangpi tekang.
Saimo ateng Golden Jubilee mate Ningkan phokep(50) kepleng ketalon along CEM Ronghang asangho methang jongjung loh kacharli alam mate laso Donkamukam PVN High School barim loh charli (student) lo. Jasematpet laso DHS along pen penang atum nongmeh kevan do lo. Sonsi kt.Rongbong Phangcho (School Inspector), Kt.Khorsing Bey (Ex-President & CEM K.A.D.C), kt.Sing Ronghang ( Ex EM K.A.D.C), kt. Joysing Kathar ( Ex-EM K.A.D.C) lapen non kedobom KAAC’CEM Tuliram Ronghang pen chenglok penang kethe keding mate kethek kere abangphu nang klang lo. Bangso amai along KAAC CEM Tuliram Ronghang kejai ke, non kethurmi a ove atum aphan loh kacharli degree kedo chot ta chokche sonsi loh thanbang man ingtung atum aphan TET, NET, SLET heihui un nangji.
Lasi loh kacharli henlo monit amoi arbung lo lapen thu kethek dochotta chokche kachini ajakong ta kedo kenangsot lasi api/apo atumta kevangji arni ephrang asomars aphan kepathek nangji pulote school along tame chiklo ejon along pen ephong/aphongni anke loh kacharli ahem along kahumri dam nangji akenangsot lapen api/apo, thangbang, lapen angbong kachekroi kachethan kachemun ave pulote kathek anat kapaprang katituk do puta lamthe along CEM Ronghang asangho jai.
Saimo ateng ason ason kacharli osomar kethek kere asatlang ponsi, laso ahut arjan kihi, quiz competition, extempore speech pen chenglok Donkamukam chebok cheterai schools a osomar atum angbong chepate.
Donkamukam Golden Jubilee katalon amaipi along man peng kachopha ateng Kacheton dun KAAC EM Horensing Bey, DTC Ward commisioner Talishram Ronghang, Serlongki Bey, Rengsing Timung, Jituram Terang, Rongkhang LAMPS chairman Mongal Bey, Headmistress Roshmi Thapa, barim chunbang KAAC  Harsing Teron pen chenglok Donkamukam PVN High school kacharli aosomar atum chetong dun.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives