ADVERTISEMENT

This area is available for advertisement. Please contact for details.

Arnivang
Get Adobe Flash player

Sunrise Academy ruptalin aningkan katalon kecheng

DIPHU, Thekar Reporter Arkoi 18: Diphu arongsopi along kedo kedo Sunrise Academy English High School piningan arta ningkan 25 kepleng ruptalin aningkan pini pen katalon pangcheng lo. Pini kechengsi arni Principal, thanbang, loh charli osomar lapen laso a school along kacharli barim atum chetongsi ruptalin aningkan kepleng ahim ingthanlo. Laso aphi ason ason alam chingki chethan det aphi pherangke sthengno school principal S.P Mahato kaningje ke,  kedamtang 1994 aningkan Arkoi achiklo niphai 18 arnisi  Sunrise Academy English High School parjaplo lapen pining an arta ningkan 25 nangplenglo. La ningkan 25 angbong penang an kisung-keboi ta dolo lapen  kejoi kejokvan ta dolo, Sitame kacharli ason among kijumhek angbong setame  osomar aphan pathek-pare longlo. Lake thanbang atum kachepaduk lapen charli osomar atumta kecharli kachepaduk ajoine lo pusi ningje. Alangli kaningje thuke Kedamtang 1999 aningkan henlo Sunrise Academy pen kechengsi HSLC asatlang ketok dun. Laso ahut bang 10 satlang ketok dun angbong pen phant 40% atum ke satlang chepa un dunlo. Sonsi HSLC asatlang ke-un angthek aphai nangbat bomsi kedamtang 2009 penke non an angthek mebom lo. District along kethek nai amen chepalong dun atum ta dolo puta Sunrise Academy Principal S.P. Mahato ningjethu.

Sunrise Academy ruptalin aningkan katalon pachetonsi kevangji Vosik achiklo kijutsi arui malom Joysing Doloi Auditorium hall along kapadoji aphan chisik bomlo.

lasi katalon along kedo an School along kacharli barim atum kacheto dun petji aphan Principal S.P. Mahato choningri . Pini Sertalin katalon kapangcheng amai along laso achiklo kijutsi arui malom Alumni Meet kapadoji aphanta cherai lapen Silver Jubilee Grand Celebration ahut kosonsi katalonji aphuthak ta chingvai.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives