ADVERTISEMENT

This area is available for advertisement. Please contact for details.

Arnivang
Get Adobe Flash player

Methang akeng pen kacharjapji avarsai do-oh lang

Danielson Bey
Ongdung arat atum state long lo pulote longri paprang dun po lapen anuttin ta kachingthur avarsai long dun po pusi ning chepathe rinti. Bonta state kelong tang alongri alongta anuttin le kachingthur-et kali. Monit atum kachingthur ke state kelong pen chot kali, bonta methang along kedo ongdung ahormu pen ale chepalong thek nangji.
State ke isi methang kachari ajakong lapen longri-longpat kacheraikom thekji aphan aphan chot, bonta methang-methang jongjung kachingthur aphan ke methang arideng alongsi do. Jongsi longri lapen jongjung anuttin chingthur nangji pulote isi alongri along mesen government do nangji. Kacharli ahin paprang dun thek nangji lapen anuttin ta keklem asai aling ta chepaduk krup nangji. Bonta Karbi Anglong arlong mesen government ave, kethek-kere aphai jumhek lapen kethek-kere atum ta methang kethek ason do-an ta methang along chibi joi, chepaklang hai abang ave. Anparta ongdung abangphu atum Council aphan chotonsi keklem asai anta chepadukde.
Pirthe adang madu adet lapen state a government seta inuttin aphan ke chokamar anghoi pi-et un-eh, mesen a govt. ke monit anuttin aphan kelang pachingbarsi kaprek-kaprek avarsai pisi kapachingthur asai kedeng. Chokamar anghoi kipi thek-et ehdet alar longri arlo kedo kaprek-kaprek asaikam along sai pipon seta kachingthur avarsai kipi lo. Pinpurme, ingnam raikom asaikam pen chek ke-eh lapen Soil Conservation asaikam pen Rubber ke-eh anparta kaprek-kaprek thengpi ke-eh amen pen kerap kipi ason thak thak Agriculture, Fishery, Vety asaikam pen Poultry Farm heihui pen kerap pibom lo. Bonta ko-an ma kipi nangji pi-et thekthelang. Laso ajoine ahut pen ahut ke Council along nang kele tang atangka central pen state along kachirui thu abirta long.
Sai katiki abangphu atum kachingthur thekji aphanta arve aphan kapachonghong dingde det avarsai kipi lapen longle kapameji aphan kaprek-kaprek fertilizer keron anparta scientific aron ateng sai katiki thekji aphan seke heihui asai deng pulote sai katiki atumta la-an sose paprang dun thekji. Lasi lahai kachingthur avarsai kelong petji aphan kethek-kere atum seta kachini alam methang along chibijoijesi rat aphan pachini nangji lapen rat atum govt. pen kelong avarsai aling seta cho-en dun pen methang akai aphan ale chepado thek nangji. Govt. kipi avarsai cho-en dun pen cho phalangno det ke chokche lo.

Leave a Reply

Your email address will not be published. Required fields are marked *

BREAKING NEWS
January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives