ADVERTISEMENT

This area is available for advertisement. Please contact for details.

Arnivang
Get Adobe Flash player

Mizoram Chief Minister Pu Zoramthanga DoNER Minister aphan kachetong dam

PIB,
New Delhi, Arkoi 16:
Mizoram a Chief Minister, Pu Zoramthanga kedamtang achiklo CM anghoi ingni det pen kechengsi det ahempi humri damsi Union Minister for Development of North Eastern Region (DoNER), Dr. Jitendra Singh aphan pini chetong dam. Longri arlo development project aphuthaksi chingki dam. Tovarn lapen kaprek infrastructure sector aphuthak, bamboo cultivation heihui aphuthaksi kachingki.
Rong atok anta tovar keponji aphansi CM Zoramthanga Dr. Jitendra Singh aphan kachoningri. Inter-State highways, State Highways lapen lapen rong atovar kaselamji aphan State Government atum North East Road Sector Development Scheme (NERSDS) avarsai cho-en long pusi DoNER Minister than.
Fund kelo kekhangji alam ave seta DoNER Ministry lapen North-Eastern Council (NEC) pen kelong a fund aphuthak apor ateng state govarnment atum Utilization Certificates (UCs) chethon dam nangji pusi Chief Minister aphan Dr. Jitendra Singh than. Non kedobom a Financial Year ta State Government aphan kapanong pi atangka angbong pen sika 225 crores dolang pusi Dr. Jitendra Singh than. Laso a Financial Year ke non last quarter lo seta non anta sika 225 crores atangka kapadam nangji dolang. Kachingthur asai keklem kapaprapji lapen kapachingtonte detji aphan fund kelo thuji apharman ke non akimi kachari a government atum apor ateng UCs pale nangpo pusi DoNER Minister than.
Bangladesh pen Myanmar alongri chek kasalonji aphan border trade ingpu nangji puta Dr. Jitendra Singh aphan Mizoram Chief Minister choningri. Laso aphuthak ke kedamtang aningkan Prime Minister Narendra Modi kachepahemphu Union Cabinet pen kedeng tang National Bamboo Mission (NBM) si state government atum deng nangpo pusi DoNER Minister than. Union Ministry of Agriculture & Farmers Welfare pensi NBM keseng lapen a website ke www.nbm.nic.in.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives