ADVERTISEMENT

This area is available for advertisement. Please contact for details.

Arnivang
Get Adobe Flash player

64 angdeng National School Games along Hongbari Timungpi medal kelong dun

Diphu, Pherangke Thekar, Arkoi 16: 64 angdeng National School Games Wushu Championship’ kapathu along Karbi Anglong pen Hongbari Timungpi rup alek (Silver Medal) kelong dun.
Kedamtang Arkoi 10 pen 13 an Thakur Viswanath Sahdeo Indoor Stadium, Mega Sports Complex, Hotwar, Ranchi, Jharkhand along kibi 64th National School Games Wushu Championship along Assam Wushu Team pen ser isi, rup hini lapen tam alek hini long dun.
Under-17/19 so-arlo atum Assam Wushu Team atum ‘Sanshou’ mate ‘Free Fighting’ kapathu along ser alek isi, rup alek hini lapen tam alek hini long dun. Pangrum pet pen lek pho an long dunsi Assam aphan nongme van lo. Bangso kachepate along kelongdun atum ke Under-17 arlosomar 40Kg.Wt. Category along Karabi Rajbongshi – Ser, 56 Kg.Wt. Category along Chishila Musahary – Rup, Under – 19 arloso, 65 Kg. Wt. Category along Hongbari Timungpi – Rup, 60 Kg.Wt. Category along Sunita Limbu- Tam lapen 65 Kg. Wt. Category along Bandana Musahary – Tam alek long dun lo.
Pinpurme, kedamtang, aningkan Guwahati rongsopi along kapado ingdeng 63 National School Games Wushu Campionship along ta Assam apharman Karbi Anglong pen Hongbari Timungpi rup alek long dunsi Assam lapen Karbi Anglong aphan nongme van lo. Alangli kachepate along rup alek kelong dun abirta kelong pen Assam lapen Karbi Anglong kapathu atum ning arong chipi lo.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives