ADVERTISEMENT

This area is available for advertisement. Please contact for details.

Arnivang
Get Adobe Flash player

Uruka asokpun abui along CAB 2016 a copy me thordut nang po: FACAAB

GUWAHATI, Thekar Arkoi 13: Assam along kedo-an kachesong arat atum aphan Forum Against Citizenship Act Amendment Bill (FACAAB) pen Magh Bihu ahirjume pajirsi non ephong ke Magh Bihu jutang-jubat keraikomji aphansi katalon dunji aphan choningri lapen Magh Bihu asokpun abui ame akar along Citizenship Act. 1955 Amendment Bill 2016 aloh (copy) thordutsi khei kapavirji aphan kedeng labangso a Bill aphuthak chesong nangpo pusi Assam arat aphan choningri. FACAAB a chairman Dr. Hiren Gohain lapen convener Manjit Mahanta atum pachetak aloh pen kapangdak ke Assamese akhei Bihu ajutang cheraikom nang po lapen halapu ratpangri atum khei ahutur abidi kanglim keklem aphuthak ta chesong nang po. BJP asong jabang atum labangso a Bill Upper House alongta kapadengji aphan kaprek-kaprek abidi klem bom lo. Lasi lapuson apor ahut ilitum ning arong kachipi apor kalilo pusi matha dam lo. Ilitum ning kachibi nangji kenangsot abangke jongsi laso a Bill dengdet lo pulote khei ajutang-jubat virdet po. Lasi akaprek alun temo alar khei kachinghon alun temo heihui abangsi bihu katalon along kilunji aphan pacheroktok kenangsot. Angtan akhei ajutang-jubat alun kilun par-om-e det ra methang akhei jutang-jubat keraikomji apharman non ephong magh Bihu katalonji aphan choningrilo anparta Uruka asokbui ame along CAB bill a copy kekai dunji aphansi choningrilo pusi pachetak aloh penalanglitum birta pangdak.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives