ADVERTISEMENT

This area is available for advertisement. Please contact for details.

Arnivang
Get Adobe Flash player

UP along Lok Sabha inghoi 80 ta Congress arjap dun etji: Azad

Lucknow, Arkoi 13: Kevangji Lok Sabha kilik Uttar Pradesh along inghoi 80 ta Congress party pen bangphu parjap dun etji pusi pini party asongja Ghulam Nabi Azad pangdak.
Uttar Pradesh along Samajwadi Party pen Bahujan Samaj Party cherapsi kilik kachedan dunji aphan pangdak det pen puthot arnisi Congress atum inghoi 80 ta karjap dunji aphan Azad kapangdak.
“Uttar Pradesh along inghoi 80 Lok Sabha kilikji along netum Congress pen bangphu parjap dun etji” pusi Azad than. Kilik apharman chisikvensi dolo. Uttar Pradesh along 2009 aningkan Lok Sabha ahut Congress kehai asonsi pining 2019 lethot ta haithuji pusi pherangke atum angno Azad ningje.
State headquarters along mai ingni det aphisi laso alam Congress jabang Azad kapangdak. BJP aphan kaparemji aphanke kaprek a party penta kacherapji aphan netum ke kaita tovar ketho tang si do. Seta netum along nangcherap  dun vek nangji puke netum majok a party aphanta hang bor-i un-e. Samajwadi Party pen Bahujan Samaj Party si chelang lo. Lasi nonke BJP aphan kaparemji aphanke netum detsi charjap po puta alang than.
Congress asongja Rahul Gandhi pen Sonia Gandhi karjapji a constituency Amethi pen Rae Bareli adim ke SP pen BSP atum bangphu parjan dunde pusi chepandak.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives