ADVERTISEMENT

This area is available for advertisement. Please contact for details.

Arnivang
Get Adobe Flash player

ST kipiji pu along BPF kekhamkhe dunke kopai kelangno lo: KRNC

GUWAHATI, Thekar Arkoi 13: Koch Rajbngshi atum aphan ST ajakong pilote thangnat alam ave pu kaprek-kaprek mai thai along kachedon dun angthek kachepaklang chot kali kedamtang 2016 aningkan setame Phaikuni achiklo niphai 27 arni BTC Chief Hagrama Mohilary cabinet along cherai lo. Setame nonhetjong BJP patirpisi tiri ratpangri atum Assam along kedo khei trok atum aphan ST kipiji aphan kedamtang Arkoi niphai 8 arni Tribal Affair minister Joel Oram Upper House along laso a Bill pangdak det aphi ST akhei asong atum lapen BPF asong atum Central Home Minister aphan chetong damsi Koch Rajongshi lapen khei pho atum aphan ST kipiji along kekhamkhe dun lake kopai kelangno binonglo anparta Hagrama Mohilary lapuson asai keklem lake alangliphan Koch Rajbongshi national Convention (KRNC) ahin pen sodak pinrem lo pusi KRNC ameiphu Tarani Kanta Rai, working president Nirmal Kumar Rai lapen sankur chunbang Biswajit Rai atum pangdak. Pachetak aloh pen alanglitum kapangdak ke, BJP pen BPF asong atum ami aphu kiklim angthek cheklang dak lo lake alanglitum ST kipiji aphan aning kehang ave. Pachetak aloh along alanglitum kapangdak thuke jongsi BTC along Koch Rajbongshi pen Adivashi atum kilik thur dun longle pulote BTC Accord Amendment si non amat kedo BTC kaparlo long 40 Constituency alar long 60/70 constituency pabat thusi Koch Rajbongshi pen Adivashi akhei kedo atalom malom parlo ponsi akimi constituency selam thu nangji, lake hini akhei atumta ST ajakong longp en ratchari, hamphang, choki-chokam lapen longle ajakong keraikomji aphan lo pusi alanglitum pangdak.     

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives