ADVERTISEMENT

This area is available for advertisement. Please contact for details.

Arnivang
Get Adobe Flash player

KLA pen Samsing Hanse karli arni kachikimo

imageDiphu, Thekar Arkoi 13: Lammetpo Samsing Hanse karli arni Karbi Lammet Amei asaihem along KLA atum kachikimo. KLA dun meiphu Chitra Kumar Bey jalinsi kachikimo amelur kai pen kachikimo asaimo pangcheng lo.
KLA dun meiphu Chitra Kumar Bey kachepahemphu kachikimo asaimo along Kt. Samsing Hanse akai alamo chethan. KLA sankur chunbang Kamsing Hanse, bidisar Sing Kro, bidisar Hidhinath Rongpi, Liladhar Teron, Joysing Tokbi, Kamsing Ingti, Manju Teronpi, Dipali Amphi, Borsing R. Hanse, Phulmoti Teronpi, Welsing Hanse, Longbir Terang atum pen chenglok ongdung lammetpo-lammetpi atum chetong dun.
Kt. Samsing Hanse 1948 aningkan Jangmi achiklo niphai 18 Bhomkuru arni Nagaon district Arhikelok (Panditkhat) pu arong alongsi pirthe hache lo. Asarbura ke Joysing Hanse lapen asarpi ke Ka-et Teronpi. Samsing Hanse akorte ingjir atum Kanam Hansepi, Samsing Hanse, Sar et Hanse, Jeng Hanse, Sarpo Hanse, Hangmiji Hanse, Kareng Hansepi lapen Karon Hansepi atum hen lo.
Kt. Samsing Hanse 1983-1984 aningkan Karbi Lammet Amei a sankur chunbang lapen 1984-85 aningnan KLA ameiphu arpu deng lo. Kt. Samsing Hanse Karbi Lammet Amei along arpu kedo bom ahutsi Karbi alamthe ketok bom Assamese amek pen Roman amek ketok kelarji aphan KLA along cherai lo.
Nam tair, Ha-Imu, Sabin alun, Jananayak Semson Sing Ingti, Karbi Pranayi Geet, Ei Rong Karbi Anglong-or, Kumlin, Rumir, Karbi lamthe pu heihui akitap Kt. Samsing Hanse toksi Karbi lammet apuru along pangcho tekang lo.
Kt. Samsing Hanse aphan Assam angkangpi along ta ‘Seuji Kavi’ pusi anong chethang lo. Alangli Assam cabinet minister ta mandun lang, bonta ningduk alam 1998 aningkan Arkoi achiklo niphai 13 arni pirthe pen che-ohsi chom rongme an chelo juilo. Kt. Samsing Hanse pirthe kedotik ahut Karbi akhei aphan keklempi tekang kedo pik ajoine pathihek pen kachethan pajut un-eh. Kado kave kachini kenangsot ke alangli inut kethekser atokbang lapen Karbi akhei, Karbi alammet aphan kachinghon abangphu binong ajoine pini arni alangli pirthe along ave lo seta ilitum along kaike ta rengver asonsi man lo.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives