ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi ajutang ateng ‘Hen-up ahi ketho’

imageDiphu, Thekar Arkoi 13: Kedamtang 2018 aningkan pen kibi ahen-up ahi pini Karbi ajutang ateng klem damsi kado kave rat chetongsi hen-up ahi tho lo.
Karbi Cultural Society atum patirpisi Karbi atum hako pen kirim ajutang angthun kangthum dun pen kapachanji aphan pu akemang pen kedamtang aningkan Chiti achiklo niphai 9 arni pen bisi chiklo jon pho anbak aphi pini aron ateng klemsi hen-up ahi tho lo.
Hen-up ahi thothe aprang riso-nimso atum hacha kan lo. Hacha kan det aphi klengdun, klengsarpo atum hen-up ahi thosi kado kave ahen-up elong pangrumsi kado kave kachetong atum angbong cheron-chebak lo.
Hen-up ahi ke-en ajutang nang keplang aphuthak KCS ameiphu Chandra Sing Kro kethan ke, riso-nimso atum jir kedam ahut mo jir kachekak ahut mate hacha kekan ahut kechoji aphan pu aphansi laso ahen-up kibi. Laso ateng riso-nimso atum jir kedam tangdet pen sok sang kachirim ahutsi hako pen laso ahen-up ketho. Halaso ajutang ingthumsi non ta Karbi Cultural Society atum pen laso ajutang rimdunsi hen-up ahi bisi pini chiklo jon pho anbak aphi tho lo.
Laso ateng pini pen ke hacha kekan ta kecheng lo, hacha kekan ke Karbi ajutang ateng Lokhi lome aphan karcho ajutang. Lasi Karbi atum an melur methek pen setame lokhi lome karcho dunji mate hacha kekan dunji aphan KCS ameiphu Chandra Sing Kro choningri.
La-an chot kali kevangji arni pejo-pejo pen ke hacha kekan aruisi Karbi akhei atum jirpo-jirpi kachedam, don-rap kacherap humri ta hacha kekan arui kachehumri lapen kachedam-kachejui thekji aphanta KCS pen mang lo puta KCS ameiphu Chandra Sing Kro jai.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives