ADVERTISEMENT

This area is available for advertisement. Please contact for details.

Arnivang
Get Adobe Flash player

Chief Engineer Borsing Rongpi aphan karcho

Den Arong/Dokmoka, Thekar Arkoi 13: Bithilangso Polton Rongpi arong along Water Resources a Chief Engineer Borsing Rongpi aphan karcho amai pangni.
Pini anarlo porphai 12 pen Guwahati Chandmari along kedo Water Resource a Chief Engineer Borsing Rongpi aphan Den Arong ahavar Bithilangso Polton Rongpi amethang arong along archo dam.
Ongdung arat lapen adon-arap atum chetong petsi alangliphan man-peng, alir-alon pen alangliphan archo lo.
Karcho amai along alohisarpo aman pen KAAC EM Prodip Rongpi chetong dun, man-peng alohi aman pen Deputy Chairman Ritesh Inghi, chopha alohi aman pen Bablu Basumatary, Prodip Ingti, Babu Ingti, KLA ameiphu Suren Kramsa atum pen chenglok ongdung man kedo atum chetong dun.
Borsing Rongpi bihek ako No. 1 Bithilangso LP School alongsi loh charli dun. Laso aphi Dokmoka High School dun lo, bonta Dengaon High School along pensi alangli HSLC angdeng un dunsi Diphu Govt. College pen HS angdeng unsi pini arni Guwahati rongsopi along Chief Engineer anghoi ingni dun lo.
Alangli lapuson kethedung anghoi kangni dun long ajok ahavar arat adet atum alangliphan aman-apeng pisi ingthum arnesi alangliphan archo lo.
Borsing Rongpi aphan karcho asaimo along achor Jaya Terangpi ta chetong dun.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives