ADVERTISEMENT

This area is available for advertisement. Please contact for details.

Arnivang
Get Adobe Flash player

CEM ahem isi abitung kechengsi avo aphong chojun karkli kecheng

Diphu, Thekar Arkoi 13: Pini KAAC CEM Tuliram Ronghang Dongka Artukekang ahem along kechengsi avo phong (chojun) karkli.
Kurusar Babu Terang, borva Boron Ronghang pen chenglok bang troksi a kurusar atum cherap-cheto dun. Kurusar Babu Terang kethan atengke KAAC CEM Tuliram Ronghang asarbura Joising Ronghang amethang mate hem isi kechengsi avo aphong chojun karkli, karkli along piningkan angbong thangnat akisung keboi ave, kemang ason along tekuk-temang pen kaheloji lapen mephun me-et pensi aningkan thonji pusi vomut-vokan angthek long pusi kurusar than.
Chojun ke cho arkli along penang an man-peng kedo EM, MAC atum pen chenglok ongdung arat atum chetong dunsi chojun along ardi pidun. CEM kethan ke kedamtang nephu akai ahut aphong ke avo aphong karkli ke chok-et lo. Lasi non nelipo Joising Ronghang apharman mate avo phong karkli chojun pining pen henlo kechengsi karkli dun lo, jasemet athan along abangke Sining richo arnam kethe, Harata Birne, Seh vo ik, cheklo arni arnam heihui alongsi thok jir lo lapen vomut-vokan ingthir-et pensi angthek pining kechengsi avo phong chojun klang lo lapen mesen pen chun lo pusi alangli than.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives