ADVERTISEMENT

This area is available for advertisement. Please contact for details.

Arnivang
Get Adobe Flash player

ST nangpipe pulote BJP asong pen che-oh dunji: KRNC

GUWAHATI, Thekar Arkoi 12: Pini Koch Rabongshi National Convention (KRNC) klembang amai pangni. KRNC working president Nirmal Kumar Rai kachepahemphu amai along sankur chunbang Biswajit Rai mai kepha alamthe jai. Mai along jasemet pet penang an alam cheraisi khei trok atum aphan Schedule Tribe (ST) ajakong kipiji pu along Tribal Sangha, ABSU, UPPL lapen kaprek-kaprek akhei asong atum kekhamkhe dun aphuthak Koch Rajbongshi National Convention sodak pinremsi Koch Rajbongshi akhei atum aphan ST kipiji pu along kekhamkhe dunde detji aphan pachinilo. Tribal asong atum kekhamkhe dun ajoine pen jongsi BJP tiri ratpangri atum ST nangpipe pulote Koch Rajbongshi akhei atum BJP asong along pen kache-oh dun etji aphansi KRNC pachini anparta Koch Rajbongshi akhei kedo atalom malom BJP asong aphan palut longle lo pusi mai along cherai. Halapu BPF asong atumta jongsi ST kipiji pu along khamkhe dun pulote BPF asong penta Koch Rajbongshi kache-oh dun etji aphan sai jokje detpo puta mai along cheraisi Koch Rajbongshi atum tiri ratpangri alongsi ST kehang Tribal Sangha atum along kali, lasi khei trok atum aphan ST kipiji pu along kekhamkhe dunji ajakong ave. Nelitum khei barim ateng pensi thangnat kanahok ave pin pen ST do ingtung. Lasi Koch Rajbongshi pen danglok khei trok atum aphan ST kipiji ahin kecharibom lapen opposition asong MP atum bor-i dun nangji puta choningri. Kedamtang Arkoi niphai 8 arni khei trok atum aphan ST kipiji aphan upper house along Bill pajirlo, lasi kevangji Arkoi 31 arni pen kechengji Parliament Session along jongsi Congress atum bor-i dunde pulote BJP pen BPF atum ason thotsi Congress asong penta kache-oh dunji pusi mai along cherai pusi pachetak aloh pen KRNC ameiphu Nirmal Kumar Rai, dun meiphu Dharmeswar Rai atum pangdak.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives