ADVERTISEMENT

This area is available for advertisement. Please contact for details.

Arnivang
Get Adobe Flash player

Lammetpo Homen Borgohain aphan 2019 aningkan Rongbong Terang anong-eh kapajir

DIPHU, Thekar Arkoi 12: “Rongmili Hahi” ketok abang Padmashree Prof. Rongbong Terang mahang kethek arni pacheton dunsi Bakalia Chingthur Publisher Biswajit Hazarika patirpi pen aningkan vang Rongbong Terang anog-eh pajirlo. Lasonsi pining aningkan mate ingdeng kethom abangke inut abarim (senior) lammetpo, tokbang, hirbang lapen nong kachethang pherangke Homen Borgohain aphansi laso anong-eh pajirlo. Pini Bakalia Higher Secondary School along nong-eh kapajir asaimo along penang an tokbang, hirbang lammmetpo atum kacheto dun amai along Homen Borgohain aphan nong-eh along tangka, man aloh, Jambili Athong, kitap atilup, jamborong lapen poho heihui pensi archolo.
Nong-eh kapajir asaimo along pacheton dunsi Biswajit Hazarika kangkrung kangchap Rongbong Terang Article Vol. 3 lapen Bhoben Koch ketok “Prithivir Atithi” pu osomar alam hancha ta ingpu. Man peng pen Homen Borgohai aphan laso anong-eh pajir det aphi alangli kejai ke, Karbi Anglong kelangme abolon kedo lapen Karbi akhei atum kachinghon kelangme neliphan kaiketa ning nangpangsam dop asonlo. Laso inglong a district along kedamtang 1970 aningkan isi amai along nangchetong dun det aphi neliphan kaiketa ladak nangvung pring asonlo. Laso alongri along temon keme, temon kangsam, kilirseng lapen monit atum aning angthin kangsam ajoinesi neli ladak vanglo. Padmashree Rongbong Terang alangli inglong-thoi ahavar pachingbarsi elam-eki heihui pathe-ang lo. Alangli amethang amat ta inglong-thoi ning isivet arikang pangtanglo. La anchot ta kali pini pen ningkan thongkep aprang pen alangli Karbi alam pen danglok kaprek-kaprek alam pen elam-eki kapachingthur thek aphuthak Rongbong Terang aphan Gohain kachoro pajir. Chingthur Printers Biswajit Hazarika kapatirpi asai amo along Padmasree Rongbong Terang, Pabitra Bora lapen ongdung tokbang, lammet lamchong ahin kacherap dun abangphu-bangphi atum chetong dun.
Pinpurme Padmasreee Rongbong Terang mahang kethek arni pachetonsi kedamtang 2017 aningkan pen Bakalia Chingthur Publisher patirpisi Biswajit Hazarika kabor-i pen Rongbong Terang anong-eh pajir bomlo. Lasonsi pining abangke lammetpo Homen Borgohain aphansi pajir lo.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives