ADVERTISEMENT

This area is available for advertisement. Please contact for details.

Arnivang
Get Adobe Flash player

Kechengsi Havar Fest-2019 kapaman

Diphu, Thekar Arkoi 12: Rongthelu, Havar Kangthur Aterank atum patirpisi Arkoi 11 pen 12 pani ni Rongthelu angkang Amlokhi Sports Association pathu aklam along kechengsi Havar Fest-2019 kapaman.
Atumi kecheng arni HKA ameiphu On Teron arideng pen song alama pachipursi rong-aje katalon asaimo pacheng lo. Atumi Arkoi 11 kechengsi arni kedongdang kekat kachebai, oso kebai, sonsuri kachevung, lengpum sokchon, nujok karlu, bor-et alun kachepate, soktok chingdi, chisikse pin lamthe kejai, bipan kachepate heihui pensi arni pathon lo.
Pini adunthu arni tarlok kiti, arjan kihi, hirjir amei heihui kachepate bi lo. Pini hirjir amai along Karbi Anglong district hini angkang kaprek-kaprek ahavar pen hirbang atum chetong dun. La-an chot kali Karbi Anglong arlo anong kachethang klong rat asai klembang Surjyo Rongphar, Saising Rongpi lapen kaprek-kaprek atumta chetong dun.
Arnikangsam apor cheroktok amai pangni, la-an chot kali lun kimi pen kekan lapen arnikangsam porphai 5 pen nong-eh kapajir amai pangni. Laso amai along ongdung man kedo alohi atum chetong dunsi ni ni angbong kaprek-kaprek akachepate along kehai atum aphan nong-eh pajir.
Laso aphi porphai 8 apor KCS ameiphu Chandra Sing Kro pangpusi jutang aningve pamansi kechengsi Havar Fest-2019 alir-alon pen pachekak lo.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives