ADVERTISEMENT

This area is available for advertisement. Please contact for details.

Arnivang
Get Adobe Flash player

CAB 2016: Bakalia along meh thengtom armu kachejeng kachesong

BAKALIA, Thekar Arkoi 12: Khei kapavirji aphan tiri ratpangri atum kedeng Citizenship Amendment Bill 2016 aphuthak khamkhesi pini Bakalia along khei kachinghon abangphu-bangphi atum meh thengtom armu chejengsi chesong lo. Laso a bill tiri ratpangri atum ingthan vek nangji pu hangsi Bakalia atalom kedo khei kachinghon abanghu-bangphi atum Bakalia Higher Secondary School pathu aklam along chingrumsi meh thengtom armu kachejeng kachesong barlo. Arnikangsam porphai 5:20 apor pen barsi NH-36 tovarpi lapen Bakalia atalom an armu chejeng lo. Kachesong ahut inut kethek-kere abangphu mate tokbang, hirbang Lakheswar Sarma  kaningje ke, laso kachesong ke Assamese det kali Assam along kedo-an aphan. Khei kapavirji aphan kedeng labangso a Bill prapjin pen ingthan nangji pu ningjesi Dr. Hiren Gohain jongsi det ahutur pulo tangte Barak along kedo Assam University along Assamese abangphu-bangphi atum loh nangcharli longle pu khei kethak lapen aronre alam kaningje Apurba Bhatacharya kopilo cheplang po pusi alangli arju. Monsam pen meh thengtom armu chejeng ahut Bangladeshi go back, Assam sarkar hai hai pu pinremsi Bakalia atalom kachesong par-om plup lo.
Halapu pini porphai 11 apor AASU Bakalia aro atum me rihing anujok along lama ki-ik tarsi CAB aphuthak chesong.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives