ADVERTISEMENT

This area is available for advertisement. Please contact for details.

Arnivang
Get Adobe Flash player

Assam arlo angtan amonit aphan chakche: AASU

imageDiphu, Thekar Arkoi 12: Citizenship Amendment Bill kapachunji aphan Parliament Lok Sabha Session along kapangdak aphuthak khamkhesi kedamtang Arkoi 8 arni NESO, AASU lapen khei barim inglong aso akhei 30 asong atum pen North East angkang kangkir pha lo. Laso ahut Tripura along kekhamkhe asai kedeng atum aphan BJP kachari ratpangri a raikom saikhi atum hile apsi bang pli atum aphan apran padam lo.
Laso aphuthak North East Students Organisation (NESO), All Assam Students Union lapen khei barim inglong aso akhei 30 asong atum ningduk chepaklangsi pini Arkoi 12 arni North East angkang jasemetpet Assam angkang arni ki-ik hok lo. Laso along AASU Karbi Anglong District Students Union atumta cheto dunsi pini Diphu ahithi angkang aparta kaprek-kaprek ahavar along lama ki-ik tarsi CAB kachekroi dunde angthek lapen Tripura along kekhamkhe asai kedeng atum aphan apran karmut aphuthak ningduk chepaklang pusi AASU Karbi Anglong District Students Union a chunbang Shorjun Hanse birta pangdak.
Assam ke aronre pen kevang amonit atum aphan kechak adim kali, jongsi CAB pachun det pulote Supreme Court alamtoi ateng NRC kapado ke thangnat ale ave lo. Lasi Assam mate North East angkang ke angtan pen kevangji atum aphan chak un-eh puta Shorjun Hanse jong. Ladak ke dhorom alam ave, Hindu, Christian lapen Sikh punon angtan amonit pulote angtan amonit lo. Lasi Assam anparta North East arlo chak thekthe.
India prime minister Narendra Modi jongsi la-an set angtan monit atum aphan kechak kangtung varet pulote Gujarat, Uttar Pradesh, Maharastra, Telengana heihui along ponsi bidam noi. Ladak Assam anparta North East angkang nang bi longle pusi AASU Karbi Anglong District Students Union a sankur chunbang Shorjun Hanse birta pachetak.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives