ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Traditional Food Fest mesen pen kapachun

Diphu, Thekar Arkoi 11: Paklangso Rangsina KCS Unit atum patirpisi kechengsi aphong Karbi Traditional Food Fest 2019 Servomu LP School kapathu aklam along kapaman.
Todap porphai 11 apor malom pen Karbi akhei atum kecho ahan, a an kecho longji arong-aje Karbi Traditional Food Fest 2019 KCS tiri dun meiphu Humsing Bey arideng pen pangpu lo. Laso ahut Nihang Donsuri KCS Zonal Committee ameiphu Romesh Singnar cherap dun lo.
Kangpu amai along KLA klembang Bensing Timung, rat asai klembang Hunaram Singnar, tirikam achunbang Mukut Rongpi, Semson Timung, VDC chairman Riso Singnar, SGB, GB atum pen chenglok ongdung man kedo abangphu-phi atum chetong dun.
Karbi Traditional Food Fest along an kimung, phak ok kimung, vo-ok kimung, hor-po, kangmoi ahan, hanserong, nempo pen mari heihuisi rat atum aphan pacho lo. Ahokpet Karbi ahan-an kecho-kijun long apot kecho atum ning arong chipisi lapuson asaimo kedeng atum aphan kachoro pajir.
Bangso asai kedeng Rangsina KCS Unit atum ason-son jutang ahormu kacheriji aphansi laso achojun arong aje paman lo pusi KCS Rangsina Unit klem bangphu-phi atum than pachini.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives