ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Hemtunpi along ni-ni apharman ‘Karbi Kurpho akhei atirim karcho’

Diphu, Thekar Arkoi 11: Barithe Chinthong, Singbamon Karbi Porom Pothi Pathir Amei (BCSKPPPA), Karbi Kurpho Amei (KKA), Kardom Pangthir Asong (KPA), Karbi Kurpho Khei Atirim Karcho Amei (KKKAKA), Serdihun Asong (SA) lapen Riso Aterank Asong (RAA) atum chelangsi Serlongjon along kedo Karbi Hemtun Lumbajong aklam along pini pen pachengsi ni-ni apharman Karbi Kurpho Khei Atirim Karcho.
Saimo ateng Karbi akhei apharman rengdok-rengni lapen Karbi akhei akemang ason kedo-an kapapleng thekji aphan pura ahirjume kelongji aphan than-theli aphan thokjirsi vomut-vokan mesen mate ingthir etsi angthek klang lo pusi kurusar atum pherangke atum aphan than.
Anparta piningve adontin, jongjung aterim kethok kejirji aphan sai dengji lapen Arkoi 12 arni abangke Karbi Anglong angkang kedo a Karbi akhei apharman khei atirim karcho asai dengji. Laso aphisi rat amaipi ingni thuji puta tirikam atum pen than.
Rat amaipi along HAD Minister Sum Ronghang, KAAC CEM Tuliram Ronghang atum pen chenglok KAAC EM, MAC atum aphanta mai along pha puta than.
Pini Karbi kurpho akhei atirim archo nangkok athe ke, Karbi akhei ning isi kachingri lapen kemang ason kedo an kapapleng thekji aphansi pusi bangso asai deng lo. Lasi song trok kapatirpi ni-ni khei atirim karcho asai aningkan vangta deng bomji lapen Karbi arat atum kacherap kachetoji, anparta kachetong dunji aphan tirikam atum pen choningri.
Pini kechengsi arni anarlo apor meh kelap, thong aharmu kerung, langthe kanghor, khangra kanghor lapen kaprek-kaprek Karbi ajutang kapathu chepatesi ning arong chipi lo.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives