ADVERTISEMENT

This area is available for advertisement. Please contact for details.

Arnivang
Get Adobe Flash player

Kangkir kepha ke hithi-kulat pen chojor-cholang atum aphan chot ma pusi ongdung arat kaningri

DIPHU, Thekar Arkoi 11: BJP tiri ratpangri atum ason-ason aphuthak cheraisi sankur arat aphan kapasung ajoine Asssam angkangpi sankur arat kachesong thurpaklo. Citizenship Amendment Bill 2016 lapen khei trok atum aphan ST kipiji pu alam pen chesongsi kangkir phalo. Khei longri aphan kachinghon angthek chepaklangsi penang an hamphang asong atum kangkir phalo setame laso kangkir along jasemet petke sankur arat atumsi kisung chechak nanglo pusi ongdung sankur arat atum ningje pre. Khei longri aphanke maduta chinghon duk, lasi chesong lote chesong pame nangji lapen ot thip pame nangji. Kangkir pha pusetame kado kave aphanta pachingri thek nangji. Setame nonke kangkir ahut pachingri thekthe det asonsi thek long. Gari-motor heihui pacheleng longphun setame hithi-kulat mate chojor-cholang ahin pabi longle det abangke manghu meme. Lasi kangkir kepha ke hithi-kulat lapen chojor-cholang atum aphan anchot ma pusi ongdung beha klembang atum ningri. Paper media mate social media along kangkir alam pachethang chot abangke chokche. Kangkir kepha atum aron ateng lapen monsam pen kachesong asaita chepaklang thek nangji. Nonke kangkir do pu alam pangdak po hem arlo chilut klip, halapu kisung nangke sankur arat atum henlo, lasi madule kangkir pha pusetame me, lang, seh kelang, paper media pen danglok kenangsot avarsai aphan pajoksi akaprek anke kelang pachingbar nangji puta sankur arat atum choningri.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives