ADVERTISEMENT

This area is available for advertisement. Please contact for details.

Arnivang
Get Adobe Flash player

DTC pen kehai BJP candidate atum aphan BJP district committee karcho

imageDIPHU, Thekar Arkoi 11: Kedamtang Arkoi niphai 10 arni Karbi Anglong long sirkep town committee kilik angthek kapangdak ahut Langhin Town Committee along chedan jok plot pen long sirkep town committee alongta BJP atumsi hailo. Laso ning karong chipisi pini BJP East Karbi Anglong District Committee pen kedeng karcho. Diphu arongsopi BJP East Karbi Anglong asaihem along todap adap porphai kere isi apor tongsekot aphan Diphu Town Committee pen kehai dun bang 12 BJP candidate atum aphan ansi archo chotlo. BJP East Karbi Anglong chunbang Madhuram Lekthe, Mohila Morcha ameiphi Sima Ronghangpi lapen ongdung BJP along kacherap dun abangphu-bangphi atum kacheto dun karcho amai along BJP East Karbi Anglong District dun meiphu Bharat Kumar Timung kejai ke, rat atum BJP aphan ning kachethe lapen kekroi pame ajoksi non adihu town committee kilik ahut Karbi Anglong East-West pangrum pet long sirkep adim ta BJP hai lo. Lasi Karbi Anglong East-West kedo-an arat atum aphan BJP East Karbi Anglong ahin pen chorolo lapen BJP pen kehai a candidate do-an atum aphanta chorolo pusi jai. Langhin Town Committee inut Independent a candidate pen akaprek along anke chedan jok plot pensi BJP hailo lapen Dokmoka, Bakalia, Hamren Town Committee alongke a ward tin alongta BJP atumsi hailo. Halapu Baithalangso, Dongkamukam, Howraghat, Bokajan lapen Diphu along abangke elong longni a ward alongsi BJP remlo setame long sirkep town committee alongta BJP si kachari ajakong longlo puta dun meiphu Bharat Kumar Timung ningje. Alangli kaningje thuke kedamtang town committee kilik aprang-aprang BJP atum alamchak mate election manifesto kejong ningkan isi angbong alongtin town committee kaparlo tovar, street light lapen nordong heihui selamji pu kachechak alamthe pachunji puta dun meiphu Timung asangho ningjesi kachopanglim kapavirji aphan committee isi sengji lapen laso a committee pensi town committee arlo keklem-kedam asai do-an lang tarlip dunpo lapen pachun po pusi ningje. Pini karcho amai along Diphu Town Committee pen kehai dun bang 12 candidate atum aphan Karbi apoho arvaksi archolo.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives