ADVERTISEMENT

This area is available for advertisement. Please contact for details.

Arnivang
Get Adobe Flash player

Dr. Hiren Gohain, Akhil Gogoi, Manjit Mahanta atum aphan bail kipi

GUWAHATI, Thekar Arkoi 10: Citizenship Amendment Bill aphuthak Assam angkangpi kachesong ame kithur apor ahut kedamtang Arkoi niphai kep arni Assam along inut nong kachethang klong thek-kere abangphu Dr. Hiren Gohain, Krishak Mukti Sangram Samiti (KMSS) jabang Akhil Gogoi lapen Manjit Mahanta atum aphan det ahutur pu akoi pisi police atum jung jung lamhoi pabonlo. Laso alamhoi pabondet aphi kekarbom ame along puthot jangthu kechor dun ajoine BJP pen akaprek song-hamphang asong do-an kachesong thur paklo. Laso ajoine pini Dr. Hiren Gohainn, KMSS jabang Akhil Gogoi lapen Manjit Manhanta alanglitum bang kethom aphanta interim bail pisi kevangji Arkoi niphai 22 arni kedoji hearing along case diary pajir nangji pusi police aphan Court lamtoi pi.
Pinpurme kedamtang Arkoi niphai troksi arni Citizenship Amendment Bill aphuthak khamkhesi Latashil along kangni kachesong amai along Sadhin Assam (Independent Assam)  aphuthak Dr. Hiren Gohain ningjesi jongsi India ratpangri mate Assam ratpangri  atum Assam arat alamthe arjuje pulote Assam arat atum kejokvan (Independent) ripo. Laso alam social media along penang an chethanglo laso ajoine Dr. Hiren Gohain, KMSS jabang Akhil Gogoi lapen Manjit Mahanta atum aphan det ahutur pu akoi pisi Latashil police atum jung jung IPC 120(B)/212/123/124(A) Section ateng pen 15/2019 case babon lo setame rat thurpak kachesong ajoine pini alanglitum bang kethom aphanta interim bail pilo. Dr. Hiren Goghain, Akhil Gogoi lapen Manjit Mahanta atum aphuthak advocate Arup Borbora si chedan pidun lo.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives